Çeteyanê DAIŞî 3ê tebaxa 2014 de hêrişê Şengalî kerdbî. Peşmergeyê PDKyî zî herinda ke êzidîyan bipawî û êzidîyan teslîmê destê çeteyan kerdbî. Hêzê YBŞ û YJŞyî vera nê neheqîyan de awan bîbî û qerarê xoverdayîşî daybî. Verîya wextekê pêşmergeyan hêrişê Şengalî kerd û cinîyê êzidîyî zî vera nê hêrişan de têkoşîn dayî. Babete ser o Endama Keyeyê Şarî yê Edene Dîlara Akyuze qisey kerde.
Akyuze qiseykerdişê xo de va ‘kesê ke êzidîyan teslîmê çeteyan kerdî, ewro bi eynî zîhnîyet hêrişê êzidîyan kenî’ û wina va: "Ganî PDK sere de cinîyê ke destê çeteyanê DAIŞî de yî, bixelisno. PDK ewro sey ke çîyêk nêbîyo, hêrişê Şengalî keno. Na rewşe hetê cinîyan ra nîna qebulkerdiş.”
Ortaxîya AKP Û PDK
Akyuze va ‘şorişê Rojawanî qezencê cinîyan o’ û qiseykerdişê xo wina qedênaye: “Wa bêro zanayîş ke cinîyî qezencê xo teslîmê tersonekan nêkenî. Cinîyî vera zîhnîyetê tecawizkar, AKP û PDKyî de xover danî. Polîtîkayê PDKyî bi hawayo zelal raste de yî. Çi tesaduf o ke agêrayîşê Mesut Barzanîyî ra dima hêrişî virazîyayî. PDK wazeno ke AKP reyde Şengalî dagîr bikero. Ma veng danê heme cinîyan ke wa vera nê pêameyîşê AKP û PDKyî de şer bikerî. Wa cinîyî nêrî kayanê AKPyî. Sere de ganî ma xeta îxanetî ra xilas bibî. Cinîyî eşkenê erdê xo bipawî. Şengal cayê YBŞ û YJŞyî yo. Ma do bibî vengê heme cinîyan.”
ŞÛJIN / EDENE