Goreyê daneyê Komeleya Heqê Merdiman (ÎHD) yê peyênan zîndananê Kurdistan û Tirkîya de 357ê ci giran, pêro pîya hezar û 25 hepsîyê nêweşî estî. Na hûmare mîyan ra 86ê ci cinî yî.
Babete ser o Endama Komîsyonê Zîndanan yê şûbeya Stenbolî yê ÎHDyî Hatîce Onarane qisey kerde û melumatê muhîmî dayî. Onarane va ‘cinîyê hepsî yê nêweşî goreyê hepsîyanê bînan yê nêweşan xusûsîyetê înan yê taybetî estî. Ma zanî ke zîndanan de bi ziwanê camêrd û heqaretwarî nizdîyê hepsîyan benî. Cok ra cinîyê hepsîyî hîna zaf zehmetîyan ancenî.”
Onarane dewamê qiseykerdişê xo de wina va: “Wexto ke hepsîyî wazenî şêrî nêweşxane, hetê cendirme û gardîyanan ra yenî sehnayene. Wexto ke cinîyê seraşme benî, sewqê înan yê nêweşxane nîno viraştene. Reyna nê donemî de lazimîyê înan pê nînî. OHAL ra dima sehnayîşan de kel-melê taybetî yê cinîyan erzîyenî orte û wina wazenî cinîyan ser o tesîrêko xirab bivirazî. Ganî bitaybetî hepsîyê ke nêweşîya înan giran a, serbest bêrî veradayene.”
ANF/STENBOL