Teybetî nayê çîyan de cinîye cemaat yenî şixulnayîş. Cemaatê Fetullah, giranî pê cinîyan kewno mîyanê şarê Kurd û wazeno bi tewire ciya ciya şarê Kurd bi visno.
Seba nayê heme bajar, qezayê Kurdîstan de xo rêxistin keno. Qijanê Kurd eyê zaf bi aqîl, pê name wendişê anceno zerre cemaatî.
Însanê ma dîndar, bi name Quran wendiş kom keno û anceno zerre cemaatî.
Cinî û keynayê ma ayê feqîr, bi name hetkarî xapîneno û anceno zerre cemaatî.
Tayî ciwanê welatparez û feqîr ê ma, hetê polîsê cemaatî yenî tepiştiş, hetê polîs ra yenî îşkencekerdiş û tecawizkerdiş. Hina visnenî û kenî ajan. Xo ra no derheqî de, çend aşmê verê cu, Nûçe TV de yew program bi name “Tore Pîrike” ame weşanayîş. No programe de, tayî ciwanê Kurd ê kî beşdarê gerîla bîyê, polîsê cemaatê Fetullahî çi ardo sere înan yew yew vatibi.
Hina asena kî, cemaat bi zanayîş zerre Kurdîstanê de karê bêehlaqî û tecawiz keno. Zaf bi plan keno.
Hina keno ke şarê Kurd bivisno. Cemaat wazeno kî, Kurdîstanê de bêrûmetî û bêşerefî vila bikero.
Wazeno hina bibo kî, şarê Kurd bêrûmet û bêşerefî de biciwîyo. Hina keno kî, şarê Kurd bêşehsîyet bikero û zaf asenî qirbikero.
Seba nayê, bi teybet polîsê cinîyan wezîfedar keno. Na proje hewe ewwîlî Sêrt de ard ca. Serwerîya na projeyê, Midurê Polîsê Amed Recep Gûven keno. Recep Gûven, yew polîsê Fetullahî yo. Amerîka û Almanya de perwerdê teybet ê kont-gerîlla dîyo. Ze endame rêxistinê gladîo yê Otûkên yeno şinasnayîş. Serranê 1991-1996 de, Amed de, wezîfê îstîhbaratî kerdi bi. Nayê serranê de zerre Amed de çi kiştiş biyo, giştê Gûven hona têdi.
Eynî Recep Gûven 2010 û 2012 de wexto kî, Sêrt de ze Midurê Polîsan wezîfe kerdenê, zaf projê xirab viraştî. Pê name “Proje Incîye Ziqaq(kuçe)-Sokak İncileri Projesi-” û Projeyê Bawerîya Tillo-Tillo’nun Güveni Projesi- keynayê Kurdê welatparêz girewtî mektebe polîsan.
No bes nêdî, Komalê Umûdê Zergunî-Yeşeren Umutlar Derneği- ronaya. Keynaye Kurd ê bin zî bi reya no komale antê dersxanê Fetullahî.
Bi name wendişî hem keynayê kîyanê welatparêz û şehîdan kenî Tirk, hem zî kenî mîyanê fuhuşî(bêehleqî).
Midurê Polîs Recep Gûven ê Fetullahî, seba no karê bêehleqî û qirkerdişê bi teybet Midura Polîs A Cinî a bi name Incî Aksoy wezîfedar kerd. Incî Aksoy, nika yew yew keynayê kîyanê welatparêz û şehîdan erzena torê bêehleqî û qirkerdişe.
Recep Gûven, nika Amed de Midurê Polîsîyo. Eynî gurî û proje bêehleqî û qirkerdişê Amed zî dano ramitiş.
Seba naye, Midura Asayîşa Polîs Gonca Andaç wezîfedar kerda.
Medyayê Tirkan zî na reklame na cinî kenî.
Eger şarê Amed verênî naye nîgero, seba Amed xeterî zêde beno.
Bêehleqiyê û tecawize kî, Çewlîg, Mêrdîn, Sêrt û bajare bîn de bîyê, bine naye heme de polîsê Fetullahî ê Gladîo yê Otûken esto.
Nika seba nayê çîyê xirab, bi teybet Midurê Polîs A Cinî ze Incî Aksoy û Gonca Andaç wezîfedar kenî.
Wa Şarê Kurd, tebere sazî û dezgehê Kurdan, qijanê xo nêşiravo sazî û dezgehek bîn.
Wa şarê Kurd, tebere dersxanê Kurdan, qijanê xo nêşiravo dersxanê bîn.