Ciwan ref bi ref tevlî şervanan dibin

Akademiya Şehîd Feysel Ebû Leyla dewreya Şehîd Ebdo Doşka bi tevlîbûna 260 ciwanên ji herêma Minbicê, mezûn kir.

Dewreyê çend mehan dewam kir, şervan li ser hunera şer û waneyên birdozî perwerde bûn. Bi dawîbûne perwerdeyê re, şervanan merasîmeke eskerî li dar xist. Fermandarê Giştî yê MEM´yê Ednan Ebû Emced dawîbûna dewreyê li şervanan pîroz kir.

Piştî axaftinan û sondxwarinê şervanan bi daxuyaniyekê Tugaya Bazên Minbicê ragihand û tevlî MEM´yê bûn. Fermandarê Tugeyê Şivan Eselî daxuyanî xwend û got, “Piştî rizgarkirina herêma Minbicê ji aliyê MEM´yê ve û careke din jiyana bi ewle û aştî vegeriya herêma Minbicê, em Tugaya Bazên Minbicê ava dikin û tevlî MEM´yê dibin. Em ê li gorî rêgezên Meclîsa Eskerî û di bin sîwana Fermandariya MEM´yê de tevbigerin.”