Semeda fermî ya viraştişê nê bendawan hilberîna elektrîkê yena mojnayiş la yena zanayiş ke awankerdişê heme santralê elektrîkê biqedî zî elektrîkêkê yena hilberîn, bi temamî seyî ra hewt a heme hilberîna elektrîkê ya Tirkîyayê yo. No zî mojnena ke armanc tena nê hilberîna elektrîkê yo. Şîrketêkê çimê înan di çem û robarê Kurdistanî de yo. Wazenê zengîn bibî û desthîladar bi nê santralan wazena mohra xo di welata Kurdistanê bikero, verba nê polîtîkayê lêmin ê dewleta tirk zî Meclîsê Ciwanî ya DBPê dest pê çalakîyê ekolojîk kerd.
Çalakîyan ser endama Meclîsê Ciwanî ya DBPa Amedê G. A. vat ke 13 nîsanê de ciwanan bi hetkarîya Tevgera Ekolojîyê di Kerboran Mêrdînê de çalakîyê bivirazî û wina vat: “Ciwanan taybetê qûtbîyîşê ceryanê vînayîkê heme çimeyanê enerjîyî yê Kurdistanê destê dewleta tirk a, dewleta tirk zî talan û wêrankerdişê xozayê Kurdistanî ser zey ke têkoşîn dana. Di kûçeyê Kurdistanê destê polîsê AKPê de binê dekî de yo. Ciwanan nêeşkenê di kûçeyan de bi rehetî bigêrê. No ser zî do ma bi rêzê çalakîyan dar bivisnê.”
G.A. ciresna ke çarçiweya çalakîyê ciwanan sifteyin verba Bendawa Ilisuyê bi dirûşmeya ‘Axê xo ra, awê xo ra, enerjîyî xo ra wayîr bivejî’ de bimeşî û peynî zî warê çalakîyê konek biakerî û konê de zî muhîmîya ekolojîyê ser panel û sewbî çalakîyan dar bivisnê. Tewr peynî 14 nîsanê de zî ciwanan DBPa Amedê ra otobusan şîrê Koya Talayê di noca de 10000 leye bideşnê.
Xizmetê gird kenêy
Hewna babete ser aktîvîstê Tevgera Ekolojî yê Mezopotomyayê Guner Yanliç zî vat ke kar û barê ekolojîya hemeyê Mezopotamyayî ra êy berpirsîyar êy û wina dewam kerd: “Tevgera Ekolojîyî bi her hawayî weşey û geşeya xo Tevgera ma ra persîyeno. Ma ekolojîya ke yeno xeripnayişî de rêjeya sifteyin de alaqedar êy. Ney esasî de ciwanîy zî ciwanêy hereketa ekolojîyî yê. Ekolojîya Mezopotamyayî ciwanan ra weye beno. Çimkî ciwanîy bi hêz û qiweta xo pawitiş û averberdişê ekolojîya Mezopotamyayî yê.”