Nasê min birîndar bî
Domana bi nameya ci Z.A ya 11 serre ciresna ke polîs bi fîşekanê raştikênan hêrişê şarî kerd û wina domna: “Her ke çek teqaynê ma zaf tersaynê, çimkî keyeyê ma zaf leqaynê. Birayê min tersan vero şew bermaynê. Polîs hêrişî ma kenî, ma zî hemverê nêy hêrişan xo pawenî. Ceyrana ma ame birrnayîş. Ma tarî de xo rê ronîştî la yew teqyayîş virazya û nasê ma çimanê ma vero birîndar bî. Êdî wa nêy hêrişî bêrî peynîkerdiş.”
Polîsî ma rê gef werdîy
Domana bi nameyê ci E.A yê 9 serre zî ard ziwan ke polîsî şew bi temamî keyeyê înan sero gule varnayo û wina vat: “Çek teqnay, bombe eştî û şer vecya. Ciwanî semedê ke ma bipawî vecyaybî papolan. Ma tersan vero nêrakewtî. Fîşekî desan qul kerdênê û ma zî xo hemam de limit. Polîsî ma rê nengan çînaynê. Êy no şerî dayo destpêkerdiş ez înan lenet kena. Ma wazenî ke no şer peynî bibo.”
Domanê bi nameyê A.D û E.N zî tersê xo wina vatîy: “Her teqyayîş de keyeyê ma leqaynê û êdî ma mîyanê keyeyê de mendişî ra zî tersenî. Birayê ke tîya de yî ra nêbînî polîsan ma hemînan kiştênê. Wexto ke êy hêrişî ma kenî ma vanî qey do kiyamet biqerîfyo. Ma nêwazenî bimirî, ma wazenî wa aştî bibo.”