Bitaybetî welatanê Ewropa de çalakîyê ke seba şermizarkerdişê tecrîdî yenî viraştene û azadîya Rayberê Şarê Kurdî Abdullah Ocalanî wazenî, bêmabên dewam kenî. Koln de endamê Ciwanên Şorişgêrî verê Kilîseyê Domî de ameyî pêser û bi çalakîyêk dîqet ant tecrîdê Îmralî ser. Gencan bi roşin ‘Ocalan rê azadîye‘ nuşt û derheqê tecrîdî de broşurî vila kerdî. Çalakî bi silogananê ‘Bê Rayberîye cuye nêbena’ û ‘Rayber Apoyî rê azadîye’ qedîyaye.
Paytextê Fransa Parîs de zî Têvgerê Ciwananê Şorişgêrî bi rayîrraşîyayîşêkê meşaleyinî tecrîdo girankerde ke Ocalanî ser o yeno domnayene proteso kerd. Bi desan gencî tewrê ci bîyî û bi silogananê ‘Bê Rayberîye cuye nêbena’ û ‘Rayber Apoyî rê azadîye’ Ocalanî rê heskerdiş û giredayîşê xo ard ziwan. Bado zî bi eşkerayîyêk polîtîkaya tecrîdî û bêvengîya welatanê Ewropa ameyî şermizarkerdene.
Seba azadîya Ocalanî paytextê Swêdî Stockholmî de zî çalakîye ameye viraştene. Ciwananê kurdan seba ke raya pêroyî hayîdar bikerî, rayîrraşîyayîşêk organîze kerdî. Ciwanan dima ra vilaweke vila kerde. Çalakîyan de pankart û dovîzê ke tecrîd şermizar kenî û azadîya Ocalanî wazenî ameybî nuştene, kirişîyayî. Ciwanan çalakîyan de silogananê ‘Ocalan rê azadîye, Kurdîstan rê aştîye’, ‘Wa Ocalan serbest bêro veradayene’, ‘Qatil, faşîst Erdogan’, ‘Ocalan şar o, şar ma yî’, ‘Wa bicuyo Rayber Apo’ û ‘Bê Rayberîye cuye nêbena’ eştî.
ANF / BRUKSEL