Çend rojîyo Ciwanê Azad yê Kurdistanê qey azadîyê Serokê Şarê Kurd Abdullah Ocalanî Almanya de radayîş kenî. Xora ver ciwanan, însanên enternasyonel û şarê kurdî 1 Sibatê de cîya cîya welatê Ewropa de destbi meşan kerd. Şîyarê hîrê meş û radayîşan “Qey Serok APO azadî, Kurdîstanê ra zî Statû yo.”
Meşê şarê kurd hîrê rojî bi. Pêronê radayîşê şarê kurdî bi serkewtî xelas bi. Rojê peynî de mîtîng bîyê. Dosya dayî meclîsên cayê mîtîngan. Meşê enternasyonel zî Luxemburgê destpêkerd û dewam keno. Do meşê înan heta 11 Sibatê dewambikero û mîtîngê Strasburg de biqedîyo.
Meşê Ciwanê Azad zî 4 Sibatê bajarê Mannheîm yê Almanya de bi kombîyayîş destpêkerd. 4 Sibatê de Mannheîm de kombîyayîş bi. Hemserokên Cizîre Botan yê Mehmut Tunç û Asîyê Yuksel ameyê vîrardiş. Dima ra ciwan yew bi yew keyeyan ra ameyê vilakerdiş. Şarê kurd ayo ke bajarê Mannheîm de ciwîyenî, qor bi qor ameyê va ma wazenê ciwanan bibi mêvandarî. Hina bi ke nêzdîyê 150 ciwanê mîyanê çend deqîqan de keyan ra ameyê vilakerdiş. Zafê însanên ma zî ver ke qey keyê înan ciwan nêmendî, xemdar bîyê. Ciwan rojê 5 Sibatê de saet 8’an de Bannhofe Mannheîm de kom bîyê. Hetê teknîk de zî hadretîyê zaf hol bibî. Hema hema qet kemasîyêk çin bi. Ciwanan verê cu seba armancê meşê xo dazanayîş da. Dima ra Hemserokê NAV DEM Bahattîn Dogan yeq qisey ser armance meşî kerd. Ciwanan saet 10 de destbi radayîş kerd.
Vernîyê radayîş de keynayan ciwan û dayîyan ca girewt. Meşvanî kam hebî kuçeyan ra derbas benê, şarê kurdî pencere, erebe û kuçeyan ra pê nîşaneyên serkewtinê meşvanî silom kerdênê. Rojê vernî de çend heb faşîstên tirkan waşt ke meşê ciwanan sabote bikerenê, la vernîyê înan ame girewtiş. 5 Sibatê de ciwanan 26 km rayîr ra şîyê. Resayê bajarê Hocenheîmê. Bajarê Hocenheîm de şarê kurd ame vernîyê meşvanan. Reyna qor bi qor ciwanê siwarê erebeyê xo kerdî û berdî keyanê xo, kerdî mêvanê xo. Eynî sey 4 Sibatê zafê kesan zî veng agerîyayê keye xo. Reyna xemdar bîyê. Vatênê çira ciwanê ma barê ma nêkewtî, ma bikerênê mêvanê xo.
Radayîşê ciwanan 6 Sibatê de Hocenheîmê ra hetê Brusalê destpêkerdi. Radayîş senî destpêkerd, komîteya dîplomasî mîyanê ciwanan ra şîyê dosya da Serokê Şaredarîya Brusalê. Şaredarî zaf hol meşvan pêşwazî kerdî. Pê şîyayîşê ciwanan kefweş bi. Heta ciwanan ra vatibi ke, şima çira verê cû hayî nêda ma ke ma şima ra cayêk cîya bikerdenê.
6 Sibatê de ca ca faşîstan hêrîşê radayîş kerd. Çîyêk meşvanan nêbi. Meşvanî saet 19 an de resayê Brusale. Pê yew mîtîng meşê xo xelas kerd. Rojê dîyin zî 29 km radayîş bi. Brusal de zî şarê kurdî ciwanê xo pêşwazî kerdî û berdê kerdî meymanê xo.
Çîyo ke mi radayîşê ciwanan de dî, Ciwanê Azad yê Kurdistanê zaf biqerar û bimoralê. Ciwan vanî, “Azadîya Serok APO û azadîya Kurdistanê zî ma anî.” Pê şîyarê “Azad Bike” radayîş kenî.