Şaxa kalûpîran ya ke girêdayîya Serekîya Daîreyê Xizmetê Sosyalan a û Şaredarîya Bajarê Girdî yê Amedî ser o xebatan kena semedê neqilkerdişê edetanê kehenan aktîvîteyêk organîze kerd. Na aktîvîte Sumerparke de virazîya, kalûpîr û ciwanan pîya dolme, îsot û bîber huşk kerdî. Îsotê ke zimistan semedê dolme yenê werdiş ewil ameyê vengkkerdiş û dima ra zî semedê huşkkerdiş ameyî ravistiş. Çîyê ke yenê huşkkerdiş zî zimistan îkramê kalûpîran benê.
Karakoyun: Edetê verînî vindî benê
Mûdirê Dayîreyê Xizmetanê Sosyalan yê Şaredarîya Bajarê Girdî yê Amedî Abdurrahman Karakoyûnî derheqê na aktîvîte de zanayîş da. Karakoyînî îzeh kerd ke wazenê nabênê kesanê extîyar û ciwanan de têkilîyêk ronê û wina wa “ Se serrîyo ke mîyanê kurdan de no edet esto. Şarê ma verî ra nat hamnan zebze û fêkîyan huşk keno û zimistan zî ê çîyan weno. La nika no edet vera-vera vindî beno. Ma kenê ke wa no edet vindî nêbo.”
Ma wazenê wa edetê verînî bêrê pawitiş
Karakoyunî îzeh kerd ke nika bajar de çîyê ke yenê cemednayîş û çîyê GDO’yîn yenê werdiş û wina peynîya qalanê xo ard. “Çîyê ke yenê werdiş zirar danê weşîya merdiman. Zemanêk vere cû pîlê ma mazemeyê xo hamnan kerdênê huşk. Zebze û fêkî pê germîya tîje amênê huşkkerdiş. Mîyanê ê çîyan de madeyê kîmyasal çîn bî. Şarê ma no edetê xo heta roja ma pawito. Ma wazenê wa no edetê şarê ma dewam bikero. Ma aye ra nê xebatan kenê. Ma bi na xebate hem kalûpîr û ciwanan anê têhet hem zî edetanê verênan pawenê. Tîya de yew beşê lokalê kalûpîran esto û tîya ra extîyaran rê srdim beno. A bîne zî zebzeyo ke tîya de yeno huşkkerdiş dîyeno keyeyanê desttengan. Onca tîya de werd îkranê kalûpîran beno”
AMED