Dezgeyê Îstatîstîkî yê Tirkîya (TUÎK) derheqê nufûsê ciwanan de raporêk aşkera kerd û goreyê raporî hûmara ciwanan tewr zaf Kurdistan de ya. Goreyê raporê ‘Bi Îstatîstîkan raporê 2016 yê Ciwanan’ ke hetê TUÎKî ra ame aşkerakerdiş de nufûsê Tirkîya serra 2016 de 79 mîlyon û 814 hezar û 871 bî, yê ciwananê 15 û 24 serreyî zî 12 mîlyon û 989 hezar û 42 o. Komel de rêjeya nufûsê ciwanan zî sey se ra 16,3î ameyo dayîş.Goreyê raporo ke hetê TUÎKî ra ame aşkerakerdiş, nufûsê ciwanan tewr zêde bajarê Kurdistan de yo. Nê bajaran ra tewr yê ke hûmara ciwanan zêde yo Colemêrg o û hûmara ciwanê Colemergî se ra 25.5 o.
Se ra 20ê ci betal î
Serra 2016 de Colemêrg resa rêjeya tewr berz û se ra 25,5ê nufûsê Colemêrgî cîwan î. Bajarê Colemêrgî ra dima se ra 23.9 Şirnex, se ra 23.1 Sêrt, se ra 22.4 Bayburt û se ra 22,1 zî bajarê Agirî yeno.Goreyê raporî, bajarê ke nufûsê ciwanan tede tewr kêmî yo zî wina ameyo rêzkerdiş; Mugla, Balikesîr, Sînop, Îzmîr û Zonguldak o.Tirkîya de 12 mîlyon ciwanî estî, la înan ra zafaneya ciwanan betal î.
ANQARA