“Dewleta tirk Cizîrî de xeylê heqê merdimantîye ya mîyannetewî kerdo binê lingan. Ma semedê ke çîyê ke Cizîrî de ameybî cuyayîş biresnî heme şaran do zaf xebatê ma bibî.”
Ez heyran menda
Owen dergeyîya qalîkerdişê xo de ciresna ke êy têkoşîna cenîyan rê heyran menda û wina vat: “Ez semedê ke heyetê ke Brîtanyaye ra şêro Cizîrî rayvertî bika min rê dawetîye amey û min nêyî ra zaf heşm hîs kerd. Cenîyê kurdî yew hetî ra têkoşîna seyyewbînanbîyîşî danî, heto bîn ra zî semedê ke şerê ke Tirkîya de dest pê kerdo bidî vindarnayîş, mêrdeyan reyde pîya têkoşîn danî. Ez cesaretê cenîyanê kurdan rê heyran bîya. Ma qetlîam û vecyayîşê teberî sey çîyo ke merdim ti ra şerm biko dî. Ma waşt ke zirarê ke mal û canê şarî rê ame dayîş cayê ci de biveynî. Taybetî zî ma waşt çîyê ke weyra de amey cuyayîş bîyarî hukimatê Britanya û heme dinyaye ra bivacî.”
Hedefê AKPe
Owen dergeyîya qalîkerdişê xo de bal ant hêrişê ser şar û xozayê kurd û kurdistanî û wina verdewam kerd: “Semedê ke AKP 7’ê hezîranî de encamê ke waşt nêgirewt, wazena kurdan ra heyfê xo bigîra. AKP semedê ke ravêreyeya aştîye biqedêna PKK û kurdan tahrîk kena û kurdan zî sey terorî pênase kena. AKP NATOye zî xapênay û vat ke ma DAIŞî reyde şer kenî, labelê tewr zaf hêrişê kurdan kerd. Di eslê xo de AKP aştîye nêwazena, her tim şerî wazena. Manzaraya ke ma Cizîrî de dî sucê merdimantî ya.”
Tirkîya îxlal kena
Owen ard ziwan ke Tirkîya huqiqê mîyannetewî îxlal kena û qalîkerdişê xo wina peynî kerd: “Tirkîya bira NYe ke vana cenî lazim o mîyanê huqiqê mîyannetewî de ca bigîro, îxlal kena û ser rayîrê şerî de ca gêna. Lazim o na pratîkê Tirkîyaye hetê NY, YE û Dadgeha Cezaye ya Mîyannetewî ra bêro mahkumkerdiş. Serekwezîrê ma Davîd Cameron mektubê ma yê ke vînayîşê ma tede nuseno girewt û ma her tim Cizîrî sero ci reyde qalî kenî. Heta ke destê ma ra bêro ma nêyî dinyaye ra bidî sehkerdiş.”
JINHA/LONDRA