Cinîyan ra Hazne Aslane ke di domanê xo vindî kerdê û hema cenazeyê kêna xo Hacer Aslane nêgirewto wina va: “Ma bodruman nêkerdî xo vîr ra, şima zî mekerê xo vîr ra. Mi hema cenazeyê kêna xo nêgirewto. No çî zî semedê dayîkîke zaf dejê ke pîlo. Mi di domanê xo Cizîre de vindî kerdî. Hacere xoverdayîşê Cizîre bî. Lajêke mi hetê polîsan ra ame qetilkerdiş. Pê guleyê ke qetil kerdî. Heta ke ez bicuyî, ez do têkoşîn bikerî. Ez veng dana Kurdan wa destê xo bidê wijdanê xo ser û wina şêrê ser ê sindoqan.”
‘Wa heme banî rê tarîxî xo ra’
Hazne dewamê qalîkerdişê xo de va ke, referandûmî de vengê Kurdan ê ‘nê’ yî bes ê û wina va: “Ma semedê ‘nê’ bes ê. Tena wa heme bi wijdan têbigeyrê. Ma hema bedenê domananê xo nêgirewtê. Înan hêvî kenê ke ma zilmê neweyan ra vajê ya. Kurdî zilm ra nêtersenê. Xoverdayîşan ra derse vejenê û ma zî înan ra vanê ke bodruman mekerê xo vîr ra.”
ŞIRNEX
Ganî seba Heskîfî ma do vajî NÊ
Heto bîn ra Sekretera TMMOBî ya şûbeya Buyukkentî ya Stenbolî Mucella Yapiciye zî vist vîrî ke Komel şert û mercanê ters û bêedeletîye de ver bi weçînayîşî şono û wina va: Heme selahîyetî destê kesêk de kom benî. Cok ra ganî ma seba Heskîfî zî reyan zêde bikerî û cok ra ez vana nê.”
ÊLIH