Koyanê Kurdîstanî bomba keno gonî de verdano, çolê erebî de sarê Fîlîstînî rê dewlete wazeno.
Kurdan rê otonomî jede vîneno, sarê Fîlîstînî rê dewlete heq vîneno.
Verva Kurdan herb keno ra, sarê Fîlîstînî rê haştîye wazeno.
Sarê Fîlîstînî rê haştîye çıqas zerre ra wazeno, no persode bîn o. Çike hata nika çepizan ra qederî nî îslamanê nîyanenu lewê sarê Fîlîstînî de pêronêda.
Komunîst û çepizî o herd de ginayî waro.
Fîlîstîn bîrûbazarê jê mordemunê Erdoğanî de nêbî.
Nika mesela raştîye de serbestîya sarê Fîlîstînî nîya. Erdoğan wazeno rojhilatê navînî de rayverîye bijero xo dest, Tirkîya verva Îranî serdest kero. Teyna kar û zerarê Tirkîya verê çimanê ey dera.
Eke ereban ra hasbikero, era NATO vernêkune domonanê ereban nêkiseno.
Waxto ke qese ame tertelê ermenîyan ser, vano ‘ma nêkerdo, waxtê osmanij de bîyo.’ Nî rozanê peyenan de tam jê osmanizan qeseykeno û fetelîno.
Sarê erebî ey jê tornê osmanizan goyneno, hama eyra vengê nêvejîno. Yanê qebul keno ke tornê osmanij yo.
Kahîre de kombîyayîsê jûyena rebî de zurreno vano ‘bêrê ma pêropîya poştya xo jûvînî sanîme, pîya hereket bikerîme..’ Yanê vano ‘mislimanî jû bê’ hama Kurdîstan de Kurdan rê nimajê roza yenîye keno qedexe. Mislimanan ra se haskeno, îta beno araze.
Hacetune kistene dostanê xo yê rojawanî ra ceno û pê nî hacetan Kurdan kiseno. Honde bi heqî îmanê xo esto!
Nika onca pîno ke dugelê rojawanî poştî ci dê, o kî Kurdan qirkero. Raştîye de tam dîktatorode gonewer o.
Çi Heq, çi Mihemmed bîrûbazarê ey de nîye. Wazeno herkeşî û her çî bijero binê bandira xo. Teyna na qisaweta xo esta.
Verva Îsraîl şov virazeno, ebi naye pê tayê ereban xapneno. Çike Îsraîl de tekîlîya henene na ro ke, nêşîkîno cira bivişîyo.
Hem hetê eskerîye ra hem kî hetê aborîye ra Îsraîl  Tirkîya mîno henen ra gireda ke, nêşîkîna cira dûr kuyo.
Zurrayîs û kurrayîsê Erdoğanî pêro zur o.
Vatenê ez ‘son Gazze’ hama nêşî. Naye rê ne torenayîsê xo esto, ne teqeta xo. Û en çîyo mûhîm kî raştîye de bi xo nêwastenê şero. Hora keş kî desture ci nêdênê.
Heto bîn ra, ha koyanê Kurdîstanî de ha çolanê erebî de meyîtê mislimanan binê lingan de fetelîno RTE.