Qeleya xoverdayîşî Colemêrg a ke pêrokîn parlementerê ci yê HDP tepişte yê de xebatê referandumî ramenê. Komîsyono ke seba referandûmî ronîya bi ziyaretê dew, tax û dewekan bi weçîntoxan ra yeno têhet û ‘Nê’ rêxistin keno. Colemêrg de bi zîyaret û kombîyayîşanê tax û dewan ramenê.
Komîsyonê referandûmî yê “Nê” deweka (mezra) Navguza de kombîyayîş viraşt. Dewijê Navguza Haci Bapîr Acar, aşkere kerd ke seserre yo ke ser na hardî de dejî yenê antiş û seba ke nê janî biqedîyê waşt komîsyon bêmavên bixebetîyo.
Komîsyon dew bi dew geyreno
Komîsyonî herêma Lêwinê de zîyaretanê xo ramite. Deweka Gavguza ke girêdayê dewa Baleka ya de, dewanê Dêrê, Hergêl, Şawite û Avetras de kombîyayîşê şarî virazîyay. Endamanê komisyonî kombîyayîşan de sebebanê "Nê” vatî û waştî ke her kes şiro ser sandiqan û vengê xo bişuxilno.
Komîsyon sifte şi deweka Navguza yê Colemêrg û kombîyayîş viraşt. Endamanê komisyonî ewil pêşengê Navguza Haci Bapîr Acar ziyaret kerd û derheqê xebatanê xo de zonayîşî day ci. Acarî zî seba ke dejê ke ser na hardî yenê antiş biqedîye, komîsyonî ra waşt ke bêmavên bixebetyê.
‘Ez do vaja ‘Nê’
Welatij Halît Aşkan’î zî rejîma Erdogan û Devlet Bahçelî rê nêrazîbîyayîş damûsna û va, ‘Ma qetîyîye (tesil) nêvanê ‘Ya’. Aşkan’î da zonayen ke zey kurdî iyê dê bi îradeyê xo yê azad vajê ‘Nê nê nê’. Aşkan’î pêrokîn kurdan ra waşt ke 16’ê Nîsane de qetîyîye şirê ser sandiqan û vajê ‘Nê’. Cinîya bi nameyê Hatîce Kahraman zî her kesî ra waşt ke bibê yewe û wayîrê xo bivejyê.
Endamê komîsyonî ke herêma Lêwinan de dewan ziyaret kenê zî aşkere kerdî ke iyê dê heremê ke mendî zî keye bi keye, dew bi dew bigeyrê û xebatanê "Nê" biramnê.
COLEMÊRG