Weçînayîşê 7’ê hezîranî ra rojê hûmaritey mendî la belê kelecana nê rojanê hûmaritey her roj tikêyna vêşî bena. Hema hema rojdemê Tirkîya û Kurdistanî de weçînayîşê 7’ê hezîranî ra kilît bî. No weçînayîşê 7’ê hezîranî de rojdemê raya umûmîyeya pêroyine de 2 partî yenê qalîkerdiş. Nê partîyan ra AKP û HDP têvero şîyenê. Çimkî nê warî de 2 partî kilîtê nê weçînayîşî yê.
Nê weçînayîşî de HDP qederê rojdemê Tikîya û Kurdistanî dîyar kena. No sebeb rayo ke weçînayîşê 7’ê hezîranî raya verêna ke hinde zaf muhîmey arz kena. Çimkî heyana ewro verba AKP ra yew muxalefet çinê bi. No warî de CHP nê şêna muxalefet bibo û nê zî şêna îqtîdar bibo. No sebeb ra zî raşte bi tena AKP ra mende.
AKP zî heyana ewro heme çî hewayê xo kerd û heyana ke sultaneya xo viraşte. Enka zî yew hêza girde est a û verba AKP ra planê û projeye AKP xirab bikero û birijno. No partî zî Partîya Demokratîk a Şaran a. Bi verên ra yewbîyîşê şaran en sîleha girda. Nê sîleha girde zî enka destê HDP da. No warî de AKP nê hêza girdeya HDP weş famkerdo ke û nê sebeb rayo ke heme hêzanê xo ra gala hêrîşê HDP kena. Enkay ra xewfê tersê HDP kewto zerrîya AKP û AKP zî kewta rewşa panîkî.
No warî de çiray yew dinya de nêvajîya yo ke Serekkomar wardo bikewo raşteyan û AKP ra rayan biwazo. No hewa yew rewşa huqiq zî çinîya. Ewro Tirkîya de heme çî AKP a. Çimkî ewro Tirkîya de huqiq çinîya û Tirkîya de huqiqê daristana vêreno. Eke ewro Serekkomar Tayyîp Erdogan kewto raşteyan û destê xo de kuranê kerîm kaydano û têşaneno. No hewa ne yew rewşa rindîya, no rewşe rewşa xirabîya û tersonekî ya. AKP enkay ra raşteyan de weçînayîş vinî kerd. Çimkî seba serkewtişê 7’ê hezîranî ra Tayyîp Erdogan heme tewr ray û rêbazê qirêjî gurêneno.
Provokasyonê Agirî nêtepişt. Yew heti ra zî HDP parelel îlan kerde û vat; HDP projeye hêzê Mîyanê Netewî ya. Enka zî heme şaristanan de gala hêrişê HDP kenê. Verba nê hêrişanê qirêjî ra nêşta ke no warî de yew netîce bigî ro û rayna zî xo hewayê marî dînî ra pişt.
Dîn xo ra alet kerd û kurdî bêdîn îlan kerdî. No warî de Tayyîp û AKP kam cara kera eşti se nê kera hewayê sîleha bumerangî tepa amey eyro gunîyay. Serekkomar Tayyîp Erdoganî waşt ke raya nîjatperstan bigîro û rojdemê şîyayîşê ravêreyî xirab bikero û ancî zî zaf rayê AKP şîyê hetê MHP ra. No warî de rayê AKP hem şîyê hetê MHP ra hem zî şîyê hetê HDP ra.
Tayyîp enkazî heme wirdî kinaran ra mahrûm mend. Enka yew seçenekê Tayyîpî mendo zî yew çilgineya girda û nê rewşa çilginey zî dagirkereya Sûrîye ya. AKP wazena ke dagirkereya Sûrîye bikero û heme rojdemê weçînayîşî bibedilno. Eke no hewa yew çilginey bikero se ancî zî peynîya xo ano. Edeta Serekkomar Erdogan bîyo hewayê soyterîyeya qesran.
Seferberîya xebatê weçînayîşî
Coşê û kelecana weçînayîşê 7’ê hezîranî HDP enkay ra bendê weçînayîşî vîyarnayo.
No warî de hînê qet problemê bendê weçînayîşî nêmendo. Bi serrano ke şar seba azadî û demokrasi ra hewayê werdişê awira bêyteyşan mendo. Heme şarê miletan hêvîya xelisyayîşê xo HDP de veyneno. Tirkîya de bi raya verêna ke heme şarê miletan xo heme tewr ra HDP de îfade keno.
HDP rengê kultirê heme bexçeyê gulana û gulikan a. No weçînayîşê 7’ê nezîranî de HDP linga şeytanî şiknena û berê Meclîsê heme bindestê şaran ra akena. Enka zî roj rojê weçînayîşê xebatî yo û roj rojê seferberi yo. Ganî no warî de heme kes kar û barê xo caverdo û seferberîya xebata weçînayîşî bo. Bi ruhê Kobanî û ruhê xoverodayîşê Şengalî ra seferber bo.
ZAZA CEBELÎ