Hetê Şaredarîya Bajarê Girdî ya Amedî, Şaredarîya Sûrî, Odeya Sanayî û Tîcaretî (DTSO) û Yewîya Odeyanê Senetkar û Esnafan (DESOB) ra kampanyaya ‘Cu Bide Sûr û Çî-mîyanê xo Sûr ra biherînên’ dîya dest pêkerdiş. Çarçewaya kampanya de her cayê bajarî de billboardan ser o afîşî ameyî aliqnayîş, Hemserekê Şaredarîya Bajarê Girdî yê Amedî Firat Anli, Serekê DTSOî Ahmet Sayar, Serekê DESOBî Alîcan Ebedînoglu, wekîla hemşaredaranê Şaredarîya Sûrî Azîze Deger Kutluye û endamê Meclîsî pêro-pîya esnafê Mîyanê Sûrî zîyaret kerdî û înan ra çî-mîyî herînayî.
Semedê hetkarî vengdayîş
Hemserek Firat Anliyî dorûverê Camîya Pîle de hemwelatîyan de demêk sohbet kerd û goş na derd û kûlê înan ser. Anliyî dima ra Sayar, Ebedinoğlu û Kutluyî de pîya Bazarê Sîpahî de esnafî zîyaret kerdî. Serekan uca de zî giş na problemanê hemwelatîyan ser û esnafan de çî-mî herînayî.
Zîyaretan ra dima Serekê DESOBî Alîcan Ebedinogluyî yew beyanat da û va “Bi hetkarîya Şaredarîya Bajarê Girdî ya Amedî û Şaredarîya Sûrî semedo ke wa hemwelatî Mîyanê Sûrî dayîşgirewtişê xo bikerê ma yew kampanya da destpêkerdiş. Ma heme hemwelatîyanê xo daewt kenê ke wa semedê roşanî çî-mîyanê xo Mîyanê Sûrî ra biherînê.”
AMED