BIRYAR MIHEMED / ROJNEWS / HEWLÊR
Kurdê kakeyî Îraq û Başûrê Kurdîstanî de cuyenî û kulturê tewr kehenan ra yî. Kakeyîyî bawerîya xo ver xeylê reyan raştê qetlîyaman ameyî û zaf zulm dîyî. Babete ser o kakeyîyê ke herême de yî qisey kerdî û dîyar kerdî ke tehlukeyê ke cuya înan ser o estî, dewam kenî.
Kakeyîyan ra Receb Kakeyîyî va ‘hêrişê terorî yê herême ver heta nika 11 dewê kakeyîyan ameyî veng kerdene’ û wina domna: “Herême de nêzanîyêk esto û ma do nêzanî se bibo. Ma tersenî ke herême de bedilîyayîşê demografîkî bibî. Hêzê ewleyîye yê Îraqî nêşênî ma bipawî. Çi wezîrêkê ma û çi zî îdarekarêkê ma esto ke ma bipawo.”
Elî Kakeyîyî zî bale ant ser hêrişê ke vera dewanê kakeyîyan de benî û wina va: “16ê Teşrîna verên ra ver rewşa ma baş bîye. Dima ra hêrişî zêde bîyî. Hêrişan ver tayê kakeyîyî mecbûr mendî ke bananê xo veng bikerî. Çi hukmatê Îraqî û çi zî hukmatê Başûrê Kurdîstanî seba ewleyîya ma tedbîran nêgênî.”