Gerdûna ke asîmanî de ma vînenêy û yê ke ma nêvînenêy, xozaya ke Dinyayî ser de û binê erdî de, çiçî estêy se, bi enerjîyeke xebat kenêy û bi CUYOKŞRAŞTÎya xo an zî bi JÎNOKRAŞTÎya xo, xo pawenêy û karê xo û qirnê xo domnenêy.
Beno ke enerjîya înan baş an zî nêbaş bo. Her tewr amûrêy çîyan, goreya xo enerjîyeke ci ya taybet esto. Frekansêy înan qetî eynî nîyê. Frekansa enerjîya çîyeke, bandor vila dormeyê xo, dinyayî û Fezayî keno. Zey hucreyeke canê merdimî enerjîya ke vejeno an zî xerç keno û mezgî de cayê geno yo.
Çîyo ke ez behs kena, bi enerjîya xo, xo cayê xo de dano pawitiş û rayîraberdiş û zey perçeyeke amûrê cuyayişê anatomîya Dinyayî an zî Fezayî, bi frekansa CÛYOKRAŞTÎya xo bandoreke keno, la ferq nêkenêy ke perçeyeke Fezayî yê û cuyayişê xo domnenêy û rayîra benêy. Belkî zî bê heywanê di ling yanê merdiman tikey heywanî ferk kenêy la ma nêzanêy!
Mezgê Fezayî esto
Frekansêy her yew çîyê Dinyayî, Dinyayî de esto. Frekansê her astare û astarokan mezgê Fezayî de esto. Her yew frekans yanê vîtamîn û mîneralê astaran, astarokan esto û navika înan de bi cakerde yo. Navika Dinyayî de zî frekansêy heme çîyan zey hard dîskeke zereyê qilasoran de zereyê dosyayan de, kom benêy. Yanê Dinya zî, zey enerjîya ke roqilaya merdiman leyenêy û enerjîyî dano qespeyî / cîgerasîyayî ra pey, vîtamînan / frekansan cayeke kom keno dano gonîya merdimî û canê merdimî bi CUYOKŞTÎya anatomîya merdimî, dana weyekerdiş û cuyayişê ke mezgê ci xorayîr bibero.
Bi no pergala frekansêy erd, aw, va û gazêy dormeyê Dinyayî de, cayê xo goreya ekolojîyî teşe kerdêy. Tarîxî de, na gam û ameyîşa Dinyayî plankerdiş navika Dinyayî de yeno kerdiş. Dinya frekansêy xo yê komkerde navika xo ra, her tim verba Rojî (hucre) frekansan şiraweno û CUYOKRAŞTÎya ekolojîya Dinyayî ya ke xirabe beno, bîyo û do bibo plan keno û Dinyayî dano domnayiş û rayîraberdiş. Zey rayîraberdişê Dinyayî heme astaran û astarokan zî rayîra beno.
Can û mezgê Fezayî û têkilîya Dinyayî
Senî ke canê merdimî de nêweşîyeke an zî birîneke beno û canê merdimî semedê ke ey weş bikero frekansan şiraweno mezgî jan û kulê ci oca ra yeno îdarekerdiş û newekerdiş se, frekansan dej û kulê Dinyayî zî bi frekansa xo ya taybet ‘Mega Qûantûma Cuyokraştî’ navika mezgê xo ra Dinya; bi va, roşnî û şewî têkilî roneno û şiraweno mezgê Rojî. Roja ke cuyayiş dana Dinyayî, canê Fezayî de hucreyeke ya.
Dinya zî zey perçeyeke amûrê hucreyî mîtokondrî ya. Roj zî frekansêy ‘Mega Qûantûma Cuyokraştî’ ke astare an zî astarokanêy girêdayê xo ra gêna, goreya rayîraberdişê felsefe, paradîgma û rayîraberdişê cuyokraştîya Fezayî, Roj frekansêy ke bi komastareya kadizî (Samanyolu) yanî pergala sînorê Fezayî ra, şirawena mezgê Fezayî. Mezgê Fezayî zî frekansêy ke navika Rojî ra semedê Dinyaya ke ma tedeyî bertek an zî planeke virazena û teşe kena ra pey, bi lez û bez, zey telefoneke têkilîya xo bi va, roşnî, şew an zî zwb. rayeke bîn apeya komastareya kadizî ra şirawena navika Rojî.
Rayîra ke roj semedê raşteya cuyayişêy xo, rayîra bibero ey frekansî şiraweno navika Dinyayî û dinya zî bi her hawayê xo mecbûro ey frekansan ra vîtamin, mîneral û her tewr enerjîya ke ay ra ameyo plankerdiş ana ca. Lazimeya ke do berzo an zî bigero mecbûrî do bîyaro ca ke xo rayîra bibero û berdewamîya ekolojîya Dinyayî goreya paradîgmayê mezgê Fezayî bidomno.
Senî ke canê merdimî de lebatîy estêy se, canê fezayî de zî lebatêy ke astareyan ra pêk yeno esto û her astare gureyeke keno. Yanê zey Dinyaya ma hewna zaf Dinyayî estêy.
Çîy senî ernerjî peyda kenêy?
Her heywano nîm û tam zindî mecbûro ke zey bataryaya telefonî xo şarj biko. Merdimîy zî bi rakewtişî xo şarj kenêy. Min vat her yew çî bi frekansê xo perçeyeke Dinyayî û Fezayî yo. Dinya û zaf astarey û amûrêy girêdayeyê înan zî bi va, roşnî û şewî xo şarj kenêy û xo rayîra benêy.
Zafêreya heywanan senî ke va, awe û werdişan ra enerjî vejenêy û xo rayîra benêy se, Dinya zî bi va, virsek / birûsk, awe û frekansêy heme çîyan ke şiraweno koka Rojî û mezgê Fezayî û geno berdewamîya xo bi pergala paradîgmayê mezgê Fezayî bi mîyangineya koka Rojî dano cuyayiş û rayîrabedişê xo bi raşteya cuyokraştîya xo dewam keno û bi felsefa jîneolojîya heywanan û merdiman heme çîy xo bi xo rayîra benêy. Semedo ke enerjîya xo teze biverdê û qirnê ci meyro qirkerdiş ra her tim bi çîyeke de şer û têkilîyeke de yê û têkoşîna xo ya bêhempa danêy.
2 lingîy xorayîrabedişê Dinyayî xeripnenêy
Enerjîya xorayîraberdişê çîyan zafêrey bi mudahaleyeke bedilyenêy, ya zêd benêy ya zî kemî benêy ya zî holî ra werizyenêy.
Zafêreya bedilyayişêy gird, bi qewimyayişêy xozayî ke plan û projeyê mezgê Fezayî yê; va, awe, erdlerz, tînc, sêk virsek û zwb. benêy. Tikey zî bi mezg, dest û lingêy heywanêy 4 lingin, 2 lingin, zaf lingan û bêlingan benêy. Bedilnayişê ekolojîyî heywanan mîyan de herî zaf bi saya 2 lingan beno û ekolojîya Dinyayî û çîyan xirabe kenêy.
Bedilyayişo ke ekolojîya Dinyayî xirabe keno, zafêrî bi saya heywanêy 2 lingan, yanê merdiman beno. Semedo ney zî heywanan mîyan de warê fikiryayiş û amûran viraştişî de mezgê merdiman herî avera şîyo yo. No fikiryayiş bi her hawayî peynîya merdiman xo reyde ano. Zey nimûne ez bidî se tofana Nûh Pêxemberî, bedilyayişê ekolojîya Dinyayî ya herî nezdî û ya herî weş o. Verê Nûhî zî tofanîy bîyê do pey ey de zî tofanêy girdîy bibêy. Zatî mîyangineya tofanêy girdan de êy qijkek zaf benêy la bandora xo bi temamî hemeyê Dinyayî ra nêkenêy yanê loqal an zî herêmî yê.
Semedê nêy xirabebîyişê xozaya Dinyayî teknolojîya dilingêy xirab ke kapîtalîzmî pawenêy û lîberalîzmî wazenêy avera biberê yo. Verbê kapîtalîzma xirabe keno de tikeyê 2 lingêy ekolojîk, semedê Dinyayeke bi aram, ekolojîk ya cuyayişê ci bi paradîgmayê cuyokraştîya raşt bibo ra, xorayîraberdişê xo kenêy ra têkoşîneke verbê her tewr qirkerdişan danêy.
Xonewekerdiş û xorayîraberdiş
Pey cigêrayişan vejyayo meydan ke madeya melatonîn merdim rakewt ra pey nêweşîy merdiman derman keno. Xora şert û mercêy tamîrkerdişê nêweşeyî de vajîyeno şewa tarî û odeyeke bê bandora manyetîka ceryanî şert o. Semedê Dinyayî zî ez şikyeni bivajî ke, virsikîy, va, awe, şew, roj yanê roşnî û têkilîya Dinyayî ya bi sercuyayeyêy xo semedo ke denga ekolojîya Dinyayî weş bikê ra, her tim Dinya bi çîyan ra têkilî mîyan de ya ke xo weş bikera ke nêweş mekûra.
Feza û Dinyayî de ekolojî û cuyokraştî
Tepiştişê aşmî, rojî, bîyayişêy demserran û qewimyayişêy xozayî heme zey ke eyardayişeke xorayîraberdişê Dinyayî yo û enerjîyeke baş danêy temenê Dinyayî. Yanê Dinyayî ser de merdimîy her çiqas bi teknolojîya xo ekolojîya Dinyaya xo, xirabe kenêy, Dinya zî semedê xo newe bikera û temenê xo derg bikera ra heme tewr eyardayîşêy ekolojîyî kena. Hezey ke Dinya zî hemverê zirardayîşê ganîyan xo bipawo û xo rê yew rayîr xêz biko têgêrena. Xora no eyardayişê Dinyayî de Dinya zaf zahîyat dana 4 lingan, 2 lingan û zaf lingan û bêlingan. Senî ke merdimîy semedo keyeyê xo, an zî canê xo çîyê zirardayeyan ra bipawêy ra şiwenêy, pak kenêy û waxta ke pak kenêy zî zirar danêy dormeyê cuyokraştîya rayîrabedişê heywanan û xozayî, Dinya zî, semedo çîy ke zirar danêy canê ay şopa paradîgmayê mezgê Fezaya xo de, zirar dana zirardayeyê ekolojîya Dinyayî, yanê heywanan û zwb. ke cuyokraştîya xo rayîraberdişeke anatomîkeya waşteya raşteqînî ya goreya waşteyê mezgê Fezayî têkoşîneke zaf bi qiwet dana ke enerjîya temenê xo ke hertim payan ser de bidero vindertişî. Merdim eşkeno vajo no bandorkerdiş wirdin hetan ra zey têkîlîya dihetî virazyeno. Zirardayîşê merdiman ra gerdûn zî verpersê înan dano.