Cuyokraştî û jîneolojî

Goreya efsaneyan û zaf bawerîyan destpêkerdişê cuyayişê merdiman ya ena Dinyayî ser, bi cenîya nameyê Hewa û mêrdeyo bi nameyê Ademî dest pê kerdo. No vatişê efsanevî kişta zaf kesan ra ameyo qebûlkerdiş û hewna zî yeno vatiş. Cuyokraştîya cenî û mêrdeyî ey demî ra heta na gamî esto. Hewa maya ma, Adem zî pîyê ma ameyo qebûlkerdiş. 

Enerjîya heme çîyê Dinyaya ma û yên bînan û Fezayî esto. Frekansêy cins enerjîyan heme cîya cîyayêy. Zey ke telefona destan ya her kesî humareke înan senî esto se, ya heme çîyan zî cîya cîya yê. Bi enerjîya; Va, adir, awe, herre / erdî û amayişê wextî de cuyayişê cuyokraştîya çîyî peyda beno û bi xoverdayişî cuyayişê xo domneno. 

Çî enerjîya xo afirneno û qirnê xo dewam bikero ra, her tim bi tecrûbeyê enerjîya xo, ya ke mezg û canê xo de bica kerdo xo bi xo talûkeyê dormeyê xo û qewîmyayişêy talûkeyê xozayî ra xo bipawêra xebat kenêy. 

Fezayî de semedo ke berdewamîya cuyayişî zey teslîmkerdişê aleke yo, emreke heme enerjîyan esto û bi qarbonan an zî çîyeke bînî qedîyeno û hureynîya ci de enerjîyeke newe goreya şert û mercêy cuyokraştîya ci dano despêkerdiş. Dinya ma û Feza, xo bi newekerdişê enerjîyan paya ser de dana vindarnayişî. Yanê, wexta çî enerjîya xo kemî kena ra pey hedî hedî cuyayişê xo qedîneno û hureynîya ci de eynî cinsî ra o çî cuyayişê qirnê xo dewam keno. No hinî ameyo û hinî şino. No bedilyayiş qanûna xonewekerdişê Dinyayî de zafêr bi makey û nêrey beno. Yanê bi felsefa Jîneolojî esasê rayîraberdişeke Cuyokraştîyî ser de berdewam o.

Çîk bê enerjî nêbeno

Heme çîy ke Dinyayî û Fezayî de estêy bi şîfra taybet û enerîya ke aîdê ey û cuyokraştîya xo, xo rayîra benêy. Tabî ma heywanêy di lingîy, nêşkenêy şîfreya heme çîyan û cuyokraştîya înan fam bikêy û biderêy famkerdişî. La ma merdimîy şîfreya cuyokraştîya merdiman bi tecrûbe û bi mezgê xo zaf deşîfre kerdo û ma zanayişêy xo qirneke ra ravêrnayo qirnêy bînan û heta ney gamî. 

Ma çorde vatibî, bîyayişê merdiman bi Hewa û Ademî dest pê kerdo hesibyeno. La, êy çica ra ameyê Dinyaya ma? Bi çi û senî ameyê? Kamikan ard an zî şirawit? Û zey înan zaf persêy mezgê ma merdiman de mecbûrî virajyeno û hewna zî bi temamî verpers nêvînayê û cigeyrayişêy mezgan domyenêy. Belkî zî mezgê tikey heywanan de nêy persêy yenêy zanayiş la ma merdimîy nêzanêy. 

Goreya cigeyrayişêy min, enerjîya merdiman û zaf çîyê Dinyayî zelal êy û deşîfre bîyê. Destpêka cuyayişê merdiman de şîfreya bîyayişê enerjîya ma merdiman ameyo dîzaynkerdiş. Sifte ez mana nameyê maya ma Hewa yî ser de bivinderî û deşîfre bikerî. Ma zanêy ke enerjîyeke semedoke bêro meydanî liv û têgêyrayiş û zaf çîy benêy semed, êy çîy bi enerjîya ke xora peyda kerdo cuyokraştîya xo dewam bikero ra xoverdayişê xo ra dano xerçkerdişî. 

Ez tikey deşîfrekerdişê enêrjîya pîyê ma Ademî zî bikerî. Wexta ke ez deşîfre kena, no vejyeno meydanî; A: Adir an zî keseke zey tîpa sifteyine ya ‘A’ yî yo, beno ke şîfredayoxîy semedo ke merdimo sifteyin A-dem bivajê ra, bi ‘Dem a Sifte’ name kerdêy. D: Dem, dewran an zî wext. E: Erd an zî ax. M: Mekan an zî cayê ke fezayî de ca geno yê. Beno ke deşîfrekerdişê min şima ra tesadufeke pêame bieyso. La raşteya ci zaf o. Tabî enerjîya ke ma cira vanê Wext dermanê vejyayişê raşteya deşîfrekerdişê min o. 

No hawayî ra vejyeno meydan ke kokê merdiman kurdan ra amebo. Semedo ke kurd kok o, heta ney gamî tornêy xo ra neheqî nêkerdo. Zey doman û pîyeke her tim lejeke mîyan de jûbînan de şer kerdêy û her tim kurdan domanêy xo yê verbê ey zilm efû kerdo û hewna zî keno. Zey dareke koka xo ser de zaf gilan wegiro û bibo semedê cuyokraştîya pel, fekî û zaf ajalêy bîyanî ser de bicuyê. 

Cuyokraştîya Hewa, Adem û Dinyayî

Goreya min Hewa û Adem Fezayî ra Dinyayeke bînî ra semedo ke toximê heywanê di lingan ena Dinya ma de bizafîyo, bi hawayeke teknolojîya zaf avera an zî bi nanoqûantûmî bi sînyalê mezgê Fezayî ra ardêy an zî şirawitêy mezgê ena Dinyayî ra û Dinyayî ser de ca girotêy. 

Beno ke şima bivajê senî ke tikey heywanîy goreya bîyayişê enerjîya şert û mercêy xo zey organîzmayeke çînêbîyayişî ra afiryayê, merdimîy zî bi eynî tewrî vejyabêy û resabêy nêy rojan. La no îhtîmal zaf zaf tayn o. Çimkî merdimêy ke na gam bi ey hawayî vejyayê meyadanî çînêy an zî nîyameyê vînayişî. 

Amêyişê ma û pîyê ma û zafêreya heywanêy xozaya na gamî de cuyenêy îhtîmaleke zaf gird Dinyayêke bîn ya Fezayî ra mezgê Fezayî zey toximeke bierzo erdêy Dinyayî ardêy veradayê an zî eştêy û şîyê. Tabî no cuyokraştîya merdimêy Dinyayî ser de zelalî çîna. Enerjîyî ra wext hewna nîyameyo ke zanyarîy çîyeke no derheqî de bivajêy. Heme tezan ser de ronîyayê û romîyenêy.

Jîneolojî do hal bikero

Meterolan de zafêreya probleman semedê pergala kapîtalîzmî ke lîberalistan peyda bikerêy ra, cenî û merdeyan mîyan de vejyenêy. Serekê Kurd û Mazlûman Abdullah Ocalan bi felsefeya xo a taybet JÎNEOLOJÎ no tewr probleman hal bikero ra jîneolojî vet meydanî. Eke no hawa felsefe bêro famkerdiş û goreya ney cuyayişeke bibo se, metropolan û cayê bînan ra dermoneke zaf baş o. 

Jîneolojîyî de esasê têkilîya cenî û merdeyî pîya cuyayişeke bi şert û mercêy cuyokraştîya xo cuyayiş o. Yanê; pîya xebityayiş, pîya halkerdişê probleman, pîya pawiyayişê xo, keyê xo, dormeyê xo û xozaya ekolojîk de pîya cuyayiş û domnayişê qirnê xo yo. 

Wexta ke kesîy jîneolojîyî bimûsêy û qebûl bikê û bicûyê se sifte metrepolan pey ra zî cayêy bînan de problemîy verbê qedîyayişî de şinêy û civateke azad û bi aram vejyeno meydan.

Cuyokraştî de nêrî û makî

Cuyokraştî; pergaleke rayîraberdişê felsefeya jîneolojî de têkilîyêy mak û nêrî de rayîraberdişê cuyayişeke raşt o. Dewra ke ma tede cuyenê de problemêy herî gird têkilîya cenî û mêrdan de vejyayo meydanî. Femînîzma ke kişta cenîyan tenê bi hêz keno, qîmê çareserîya probleman nêkeno. 

Felsefeya jîneolojîyî yanê pîya cuyayişê mak û nêrî bi xebateke kolektîf xo rayîraberdişî de cuyokraştî, hureynîya demokrasîya ke rizyayo û qîmê çîyeke zî nêkeno û fekê qetilkaran û mazlûman de zî bîyo qanikeke pûç ver de, dewreyî de yo. Yanê esasî de pratîka felsefa Jînolojî ke pawîyeno partîkî de bi Cuyokraştîyî cuyayiş û dacuyayiş o.

Cuyokraştî de semedo ke nerî û makî bêro famkerdiş, bi nimûna herî famkerde û pratîka Dinyayî; piratîka ruhê Arîn Mîrkanan, Zîlanan, Besêyan, Egîdan, Mazlûman, Kemalan û zwb. Têkoşeran û felsefa xoverdayişê înan cuyokraştîya raştîn a mak û nêrî bêro famkerdişî ra bes o. Bi no ruhî problemîy kokî ra hal benêy.

Cuyokraştî polîtîka şarî yo 

Pergala rayîraberdişê Cuyokraştîyî, rayîraberdişeke raşteya polîtîka şaran û heme çîyan a goreya xo û xo da cuyayişî yo. Yanê; weş an nêweş, bi boy an zî bê boy, pak an zî nepak, fezayî de an zî dinyayî de bi polîtîka enerjîya xo, xo bi xo bi modernîta cuyokraşteyî xorayîraberdiş û dacuyayişî yo.

Dinyayî de cenî û mêrde bi polîtîkayeke raştîn encax pîya bi aram bicuyê. Amerîkayî de şert û mercêy cenî û mêrdeyî goreya cuyayişê bapîranê înan, dengizan ver de cenî û mêrde bi hawayê şert û mercêy raşteya ocayî, Kurdistanî de zî cenî û mêrdeyî goreya şert û mercêy xoza bapîr û dapîranê xo bi polîtîka xo wazenêy bicuyê. 

Raşteya zafêran; cuyayişeke bi aram, azad, muhtacê keseke nêbêy, zirar mederêy keseke an zî dormeyê xo, kolektîf cuyayiş, kolektîf xebatkerdiş, mak nêrî ra, nêr zî makî ra bi hurmet nezdîbîyayiş û bi pawitişê ekolojî xozaya xo, dormeyê xo, Dinyayî û Fezayî bi mesûlîyete ameyê dorpêçkerdiş.

Şîfreya ‘Hew’ û ‘ADEM’ î

Hewa semedo ke cenîya sifteyin a Dinyayî ameya qebûlkerdiş û ma heme zanêy ke cenî nêbo, qirnê merdiman nêzafîyeno û maya merdiman bi enerjîya xo û mêrdeyî pîya tûteke peyda nêkenêy. Şîfreyê enerjîya Hewayî ser bi kilmek ez wina bivajî H: Hewa yanê va, E: Erd an zî ax, W: Wext yanê dem, A: Awe anjî adir êy. Wexta ke 4 tewr enerjî bêro têhet enerjîyan ra enerjîya merdimî û zaf çîyêy zîndî, xora peyda kenêy.

Pergala raştîn ya cuyokraştî

Bi pergala cuyokraştî û felsefa jîneolojî ya raştîn de; zilma mêrdeyî ya cenî ser, zilma cenîyî ya mêrdeyî ser û ferqa feqîrî û zengînî holî ra werdarnayişî, pergala lîberalîzmî û kapîtalîzmî verde, xobixopawitiş û xorayîraberdiş de verbê dijminêy xo û qewimyayişêy gird yê xozayî de, cuyayişê xo domnayişî ra, bi xoverdayişa bêhempa ya verbê zilm û îşkenceya dewletan a ke mazlûman ser de bêro wedarnayişî ra, bi esasê konfederalîzma cuyokraştî, verbê pergala dewletî vindertişî esas girotiş û cîran bi cîranî ra, dew bi dewî ra, qeza bi qezayî ra, şaristan bi şaristanî ra, metropol bi metropolî ra bi hawayeke azad û famkerde jûbînan de biratî û kolektîfeyeyî de cuyayiş, pergala xebityayişê Dinya û Fezayî pawiyayiş û zwb. çîy, estêy û heme tewr polîtîkayê cuyayişê Fezayî mijarêy pergala CUYOKRAŞTÎyî yê.