Serekê Pêroyî yê AKPyî Tayyîp Erdoganî vera Vakurê Sûrîye de qisey kerdbi û bi kerdişê operasyonî tehdît kerdbi. Meclîsê Sûrîyeya Demokratîke (MSD) îzehetêko nuştekî da û vera tehdîdanê Erdoganî de vengdayîşê yewîye kerd.
MSDyî îzehetê xo de dayo zanayene ke tehdîdanê Tirkîya ra dima hucreyê DAÎŞî kewtî dewre û dîyar kerd ke eke hêrişî bibî beno ke dewletê ke herême de yî, nêyî xo rê bikerê firsend û vengîye pirr bikerî. MSDyî wina domna: “Çîyê ke donemo peyên de Dêrazor de ame cuyayene zî nîşaneyê nêyî yo. Herçiqas ke vera sînoranê Sûrîye de tehdîdê cîddîyî zî, rejîmî ti tedbîr nêgirewto. Tam çepê ci de rejîm QSDyî sucdar keno û bi no hewa hewl dano tehdîdanê Tirkîya meşrû bikero. Ma veng danî şaranê Sûrîye ke wa vera tehdîdan de vinderî.”
MSDyî dewamê îzehetê xo de veng dayo raya pêroyî ya mîyanneteweyî ke wa vera tehdîdan de berpirsîyarîya xo bîyaro ca û wina vato: “Tirkîyaye estena Kurdan hedef girewte. Grûbê cîhadîstî ke girêdayeyê Tirkîya yî, herême de Xrîstîyan û Êzidîyan hedef girewtî. Ereban nê hêrişî qebul nêkerdî û vera polîtîkayanê asîmîlasyonî de vindetî. Ma veng danî Kurd, Ereb, Suryanî, Armenî û Tirkmenan ke wa vera tehdîdanê Tirkîya de yewîya xo bihêz bikerî û hetê QSDyî de bivinderî.”
DAÎŞ do newe ra xo rêxistine bikero
Buroyê Bextwaştoxan û Komîteya Karê Komelkî yê Vakur û Rojhelatê Sûrîye zî tehdîdan ser o îzehetêk da û dîyar kerd ke eke hêrişî bibî do netîceyê ci giran bibî û wina dewam kerdo: “Eke tehdîdê Erdoganî bikewî pratîk do herême de netîceyê giranî bivejyî werte. Beno ke DAÎŞ newe ra xo rêxistine bikero û reyna dest bi hêrişanê hîrayan bikero. Ma reyna veng danî dezgehanê berpirsîyaran ke wa berpirsîyarîya xo bîyarî ca.”
EYN ÎSA