Dara zîyara Elewîyan ameya veşnayene

KAMÎL MURAT DEMÎR / PÎRHA / GURGUM

Roje çin a ke kultur, tarîx û hunerê Elewîyan raştê hêrişan nêrî. Tewr peynî qezaya Elbîstanî ya Gurgumî de zîyara elewîyan raştê hêrişî ameya. Na zîyare qeza de ya hetê Elewîyan ra pîroz yena dîyayene û her serre xeylê kesî şonî na zîyare ser. Bitaybetî çinarêra ke zîyare mîyan de ya, pîroz hesibîyena û na çinarêre ameya veşnayene û birnayene.

Muxtarê dewe Hasan Kulî va ‘wexto ke embazî payîzî şonî zîyare ser, vînenî ke çinarêre ameya veşnayene’ û wina domna: “O wext embazan zaf baş nêewnîyayo. Dima ra wexto ke wisarî şonî zîyare ser, vînenî ke dare ameya birnayene zî. Wina aseno ke bi hawayo zanayîşî ameya veşnayene û birnayene.”

Dewijan ra yewî zî va ‘no heriş tesadufî nîyo’ û dayo zaneyene ke seba vera kulturê Elewîyan de tehamul çin o, hêrişî benî. Dewijî wina domna: “Amanc veşnayîşê dare nîyo. Amancê nêyî kulturê Elewîyan o. Ma nêzanî kamî kerdo. Labelê çi bikewo milê ma ser, ma do seba pawitişê zîyare bikerî.”