Şaredarî îtîrazê xo de Wezaretî rê vatibî, “bi no bedelîyayîş korîdora hewagirewtişê bajarî rê mudaxale beno. Cayê keskin yenê kêmkerdiş û nefesgirewtiş yeno astengkerdiş. Cayo ke semedê cayo keskin yeno pêşnîyazkerdiş cayê pawitişê çimeyê awe yo.
Cayo ke nika semedê leşkerî ameyo nîşandayîş cayê bajarî yo.” La wezaretî goş nêda Şaredarîya ma û îtîrazê Şaredarîya ma qebûl nêkerd. Şaredariya Bajarê Mezin a Amedê ji bo 290 hektar parsela herî mezin a daristana bajêr ku bo leşkeriyê hate veqetandin îtiraz kiribû, Wezareta Jîngeh û Bajarvaniyê ev îtiraz red kir. Şaredariyê dijî biryara Wezaretê serî li Dadgeha Îdarî dabû, dadgehê doz ji aliyê erkê ve red kir û şande Daniştayê.
Seba ke wa keskin bimano…
Mudirtîya Pêroyî ya Plansazîya Ca û wareyî ya Wezaretîya Dorûverî û Bajarvanî, bi qerarê 03.02.2016î, îzah kerd ke bedelîyayîş tarîxê 1.10.2015 de ameyo kerdiş û îcab nêkeno ke wa uca sey cayo keskin bêro xebitnayîş. No qerar ra dima Şaredarîya Bajarê Gird zî semedo ke wa Daristanê Bajarî keskin bimano û destur nêdo wa dorê daristanê bajarî de awanî bêrê viraştiş 3yîn Dadgeha Îdarî ya Amedî rê muracat kerd. Dadgehe dewa hetê wezîfeyî ra red kerd û dewa şirawit Daniştay.
Wezaret çi ra nika wina kena?
Serekê Dayîreyê Îmar û Bajarvanî yê Şaredariya Bajarê Girdî Murat Alokmenî derheqê mesela de beyanatêk da û va “ parselê hûmar 8071 o ke Peyas de yo keweno planê 1/100.000, 1/25.000, 1/5000 û 1/1000, uca sey Daristana Bajarî ameyo hesibnayîş. Serra 2000yî ra nata na plane esta. Wezaretê Dorûver û Bajarvanî 240 hektar erdê parselê hûmar 8071 de dabi Daristanê Bajarî û dima ra zî uca sey cayê eskerî îlan kerd. Ma zî no qerar qebûl nêkerd. Naye ser ma îtîrazê xo kerd. Ma waşt wa no ca sey Daristanê Bajarî bimano.” Alokmenî îzeh kerd ke înan waştişnameyê îtirazî de eleqa anta palsazîya wezaretî ya serra 2012 û wina wa “Nabênê Mastfiroştepe û Talaytepe semedê cayo kesikin ameyo dayîş. Ma kerd ke nêkerd waştişê ma nêame ca. Nika o ca danê leşkerîye. No qerar qerarêko xelet o.
Alokmenî îzeh kerd ke wezaretî eşkena semedê leşkerî cayêko alternatîf peyda biko û wina va “Ma mecburî ke goreyê qerarê dadgehe û prosedûro resmî hereket bike. Na mesela de xebatê ma dewam kenê. Heto bîn ra heqê hemwelatîyan zî esto ke bişexsî dewa abikerê.”
AMED