Dayîka 85 serrî 54 rojî yo ke xover dana

Vera xespbîyayîşê şaredarîyan û tayînbîyayîşanê qayûman de Çalakîyê Nobeta Demokrasî dewam kenî. Nê çalakîyan ra yewe zî Amed de Caddeyê Lîse yê Yenîşehîrî de dewam kena. Çalakîya Nobeta Demokrasî ya Amedî 54 rojî yo ke dewam kena.

Her roje bi seyan kesî beşdarê çalakîyan benî û hêrsê xo nîşanê xespbîyayîşê şaredarîyan danî. Cinî, camêrd, doman û extîyar her roje bi seyan kesî cayê xo çalakîye de gênî. Nînan ra yewe zî cinîya 85 serrî Şadîye Gunduze ya. Gunduza ke verê cû wexto ke qayûm amebi tayînkerdene zî cayê xo çalakîyan de girewtbî, dana zanayene ke aye neheqîyan ver ameya tîya û va ‘Na şaredarîye yê ma hemînan a, êdî bes o’.

Dayîke Gunduze vana ‘ez seba aştîye tîya de ya’ û wina dewam kena: “Seba ke ma raştê neheqîye ameyî, ez tîya de ya. Na şaredarîya ma ya. Êdî bes o ma hende çîyî dîyî. Her roje teyarayî koyanê ma bombe kenî. Kurdan se kerd şima? Ma nê zulmî qebul nêkenî. Êdî kardî resaye este. Wa ciwanî nêmirî, heme domanê ma yî. Erdogan çira şer vejeno? O wext wa lajê ci zî şêro şer. Çira Amerîka, Rûsya û Almanya vera nînan de bêveng î?”

MA / AMED