Nê cenîyan ra yew zî Asya Oglagî ya. Malbatê Asya Oglagî zilmê dewlete ra nêçare maneno ke dewa Robarî ra koçê navenda Cizîrî bikero. Nê rojan ser Asya Oglagî wina qise kena: “Bêmîyan merdimî ameynî qirkerdiş. Heme dewê Cizîrî rijnayî, veşnayî û peynî zî dayî adirî ver. Demo ke ma dewe de cuyaynê, ma zaf kêfweş bî. Her çikê ma estbî. Demo ke ma ameyî şaristanî, problemê ma dest pê kerdî û ma hîna gird girêdeyeya Tevgerê Azadî bîyî.”
Dapîra min ra îşkence kerdî
Asya Oglag vat ke serra 1989 de dayîka a Nure Şerîfoglu reyde xalcîya ay zî ameya tepiştiş û wina vat: “Dayîka min 60 serra bî û bêmîyan dayîka min ra îşkence kerdî û îşkenceyan ser wirdî qesebayê dayîka min têk şîyî û badê zî dayîka min cuya xo vînîkerd. Demo ke xalcîya min digan bî, a ra îşkence kerdî. Heme ferdê malbatê min ra îşkence kerdî. Demo ke nê îşkenceyî ameyî kerdiş ez wayîrê 4 domanî bîya. Hemserê min nê îşkenceyan ser beşdarê warê azadî bî. Na roje ra nika min domanê xo miqate kerd. Feqîrî ser ma banê xo ra çik nêgirewt, şima nika vînenî çikê ma zî estbî destê ma ra girewtî.”
Senî birayîye ya?
Asya Oglag dîyar kerd ke nika yenî behsê birayîye kenî la her çikê birayê xo zî veşnenî, birayîye ra behs kenî dewê kurdan veşnenî û wina dewam kerd: “Ez awayo kurd ameya dinya û ziwanê min kurdî yo. Ma heme şeran ra pîya beşdar bîyî. Bawkalê min 4 serran na dewlete ra lejkerî kerd. Nika kura de kesê ke psîkopat û faşîst esto se ardî ewta. Faşîstê înan ewta de banê ma veşnenî, serekwezîrê înan zî şono Silopî de nimaj keno, no senî yew nakokî yo û bano vila ra daxî hêriş kerdî.”
JINHA/ŞIRNEX