Dayîka awankaranê PKKyî ra Alî Haydar Kaytanî Gulîzar Kaytane 29ê teşrîna peyêna 2014î de, wextê 85 serreyîya xo de wefat kerdbî û emserr serrgêra 3. ya mergê aye bî. Bi wesîleya serrgêra 3. ya wefatê Kaytane bajarê Almanya Essenî de bi merasîmêkî ameye yadkerdiş.
Merasîm Komeleya Kulturê Kurdê Demokratîke de ame viraştiş û xeylê kesê welatperwerî beşdarê merasîmî bîyî. Merasîm de tayê qiseykerdişî ameyî kerdiş. Qiseykerdişan de bale ancîya şorişgêrîya Kaytane ser û qala wayîrvejîyayîşê vîrardişanê aye ame kerdiş.
Merasîm de seba Kaytane û heme şehîdanê Têkoşînê Azadîya Kurdî gulbang ame wendiş. Merasîm bi dayîşê nane qedîya.
ESSEN