Endamanê Meclîsê Dayikanê Haştî yê Stenbol seba waştena serbestîya Rayverê Şarê Kurd Abdullah Ocalanî no çarşem zî ver Sarayê Dolmabahçe de are bî. Dayikê Haştî ke panqarta “Mayî destûr nêdanê herbî” akerdî herzewbîn dowîzê zey “Cinî herbî nêwazenê”, “Ma wazenê ke reyna açarnîyo Maseyê Dolmabahçe” hewaday.
‘Wa Barzanî nîro kayanê Erdoganî’
Maya Haştî Reyhan Akgul ke waştena tewrbîyayişê operasyonê Musil yê Tirkîye rê nêrazîbîyen damûsna, vist vîrî ke ser Iraq de bi serrano ke operasyon rameno. Akgul persa ‘Tirkîye do heta çiwext qerarê îşgalê cayanê bîn bido? Her cayê Kurdistan îşgal kerdî, nika dor ê Mûsilî yo? kerd. Reyhan Akgul veng da Barzanî û va, “Wa aqilê xo bigîro serreyê xo û nîro kayanê Erdoganî ke kurdan ser o kaykeno.
Çi feydayê serokîye esto?
Jû Maya bîn yê Haştî Behîye Dûman zî vist vîrî ke seba ke herb vindero 51 hefteyo ke ver Sarayê Dolmabahçe de are benê û nobed gênê. Dûman aşkere kerd ke rixmê her çî ê haştî de israr kenê û hayr ant sîstemê serokîye ser û bi persanê “Sîstemê serokîye do Tirkîye rê çi feyda bîyaro? Seba na sîstemî dayişê qurbanî hewce kenê? Çi heqê înan esto? nêrazîbîyen damûsna. Nûmayişê Dayikê Haştî roniştişê jû seatî ra dima qedîya.
DÎHA / STENBOL