Mayanê Aştî hefteya 53. de ver Qesra Dolmabahçe de nûmayişa roniştişî viraştî û pankarta “Dayikî ray nêdanê herbî” akerdî.
Endama Meclîsa Mayanê Aştî yê Stenbolî Kumrîye Akgul tepiştişê Hemşaredaranê Sûka Pîl yê Amedî Gultan Kişanak, Firat Anlî û verfeka KJA Ayla Akat Ata nêrazîbîyayiş AKP rê damûsna û va, ma zilma ser şarê Kurd qebûl nêkenê.
Akgul ke persa ‘No zilm do heta çiwext dewam bikero?’ kerd û va, ‘ma Kişanak, Anli û Ata het de yê. Hinî bi hezaran Kişanak û Ata estê. Dayikê Aştî Kumrîye Akgul herzewbîn hayr ant tepişteyanê nêweş ser û waştena dermankerdişê înan ard ziwan. Akgul vist vîrî ke wexto ke ê şinê pêdiyayişî raştê îşkenceya fizîkî û psîkolojîkî yenê.
Akgul seba paştdayişê Kişanak û Ata veng da herkesî ke tewrê damûstayîna çapemenî ya ver Girotxaneyê Kandira yê ewro ke seat 13.00 de virazîyena bibê.
STENBOL