48 rojî yo ke Kampa Mexmûrî ser o ambargoyêk esto û vera ambargo de çalakîyê tewir bi tewirî yenî viraştene. Nînan ra yewe zî çalakîya Dayîkanê Aştîye ya. Dayîkan seba ke ambargo bero wedarnayene, waşt selahîyetdaran de pêvînayîş bikero, labelê hetê endamanê asayîşê PDKyî ra ameyî astengkerdene.
Endamanê asayîşê PDKyî heqaret û hêrişê dayîkan kerd. Vera nînan de dayîkan hewl da kesê berpirsîyarî de bêrî têhet, labelê dayîkî reyna ameyî astengkerdene. Dayîkan zî nuqtaya kontrolî de çalakîya roniştişî daye destpêkerdene.
Hemsereka Şaredarîya Mexmûrî Leyla Îlhane va ‘ma waştişê xo yê pêvînayîşê Walî û Wezîrê Karê Zereyî resnabi Qeymeqamê Mexmûrî’ û wina dewam kerd: “Endamanê asayîşî waşt ke ma çalakîya xo biqedênî. Labelê ma dewam kerd. Ma qeymeqam de ameyî têhet. Ma ra ame vatene ke şima do şêrî Wezîrê Karê Zereyî de pêvînayîşêk bikerî. Labelê nika zî nuqtaya kontrolî de ma yenî astengkerdene. Ma hewl danî xo biresnî Qeymeqamê Mexmûrî. Labelê nêvejîyeno telefon. Ma do heta ke netîce bigîrî çalakîya xo bidomnî.”
ROJNEWS / MEXMÛR