“Ma elewîye bi serran Dehaqî reyde têkoşîn day û terteleyî ra vîyartî. Terteleyê sey Yavuz Selîmî, Dêrsim û Madimakî zî nînan ra finak î. Labelê ma heta nika fek xoverdayîşî ra veranêda. Ez wextê ke terteleyê Enqereye zî weyra de bîya. Polîsî terteleyî ra dima gazê îsotî eşt raşteye û birîndarî gazî ra zaf bandor bî. Semedê ke polîsan asteng kerdî, ma kiriştişê birîndaran de xeylê zehmetî ant.”
Parçeyê goştî estbî
Çelîk dergeyîya qalîkerdişê xo de bal ant ser rojê Huseyînî ya Kerbelaye û wina verdewam kerd: “Terteleyê Enqereye, Gurgum û Madimakî ard vîrê min, rayna domanê kurdî ke bi çekê kîmyasalî amey qetilkerdiş amey vîrê min. Ma tabloyê serranê 90’î 10’ê citmenge de rayna cuyay. Ma elewî do rayna dormarê tevgera kurdan de bibî, xora sewbîna cayê ma çino. Ger ke wekîlê kurd êy ke dormarê AKPe de yî 10’ê citmenge de bivatênê aştî, eyro do tayîn çî bibedilyaynê. Aye roj Dehaqî semedê qesra xo goşt kom kerdênê.”
Aştî ame qetlkerdiş
Çelîk qalîkerdişê xo wina peynî kerd: “Tayîp Erdogan dayîkê aştîye qetl kerd. Helbuk dayîkê aştîye semedê ke destê xo dergî aştîye bikerî ameybî tîya. Raştî ti car tarî de nêmanena, başî do xirabîye xira bikera. Medyaya hetgir zuranê xo domnena, labelê do dinya rojek heme raştîyan biwano û Erdogan zî xo daraznayîşî ra nêşkeno xelas bikero.”
JINHA/ENQERE