Ahmet Davutoglu yew sebatayîstê Kirim o. Yew kênayê xo ya bi name Sefûre dawa lajê wayîrê biskûvîye Ûlker Sabrî Ûlker. Kênayê xo ya bîn ya name Meymûne zî dawa lajê Dursun Topçû yê Serokê ÎTO’yê yane Serokê Odayê Bazirganî yê Stanbolê. Çi baldara ke hem Sabrî Ûlker û hem zî Dursun Topçû eslê xo de Tirk nîye. Her di zî zê Ahmet Davutoglu, sebatayîstê. Sabrî Ûlker zî zê Davutoglu sebatayîstê Kirim o. Cinîya Ahmet Davutoglu, Sarê Davutoglu zî tirk nîya. Ahmet Davutoglu bi zamayeyê xo ra mîyanê peran de ben o vîn. Hina zengîn o.

Ma ewnêne Davutoglu eslê xo de Tirk zî nîy o.La Tirkan ra zêdeyîr Tirktî ken o. Eleqê eyê Romê qelleş yane Osmanîyan  çîn o. La tornê Osmanîyan zêdeyîr wayîrê talankerî û qirkeriyê Osmanîyan vejîyen o. Vano, "Ma mîrasê Osmanîyan pawenê. Cayê ke Osmanî serdest bî, ma reyna uca de benê serdest”.
Şino Pîrsûs de qisey keno û vano, "Kobanê qey ma mîras û emanetê Osmanîyan o”. Bi no qisey zê wayîrê Kobanê vejîyeno, xo hina nîşandan o.  La dima ra çeteyên DAÎŞ’ê T.C rêxistin keno, 29 Mijdarê de berê Murşîtpinar ra şiraveno ser Kobanê û YPG. Hina waşt ke Kobanê bi tamamî dagirbiker o.
Xo ra AKP bîya hukumat  nebîya hukumat, Davutoglu wezaretê teber de dest bi kar kerd û mişawîrî ra heta wezîrê teberî, dima ra bi serokwezîrê Tirk. Zerrê 12 serrî de hemberê Şarê Kurdî de çi şerê dîplomasî çi şerê eskerî bîya, hukumatê AKP de yewo ke serkeşîya nê şeran kerdo, o zî  Ahmet Davutoglu yo. Pêronê dinya gerêne, ser PKK peyman viraştenê. Çek û sîlah arîkerdenê û pê nê çek û sîlahan herîşe Şarê Kurd û gerîlayê Kurdistan kerdenê.
Dehaqê zalimî seyî gunê Kurdan litene û mezgê tutê Kurdan werdenê, ewro zî Ahmet Davutoglu hina keno. Dehaqê no demê R.T.Erdogan û Ahmet Davutoglu yê. Çeteyên DAÎŞ’ê T.C weyî û çek kenî şiravenê ser Kobanê û wazenê Kobanê dagirbikerenê û qirkerdişê xo hetanê peyêne berê, hembere zalîmtîya înan Şarê Kurd pê Serhildanê Kobanê xoverdayîş kerd.
No xoverdayîş de 38 welatparêze Kurd hetê çeteyên Hîzbul-Kontra Hudapar, MHP, BBP, çeteyên AKP, polîs û eskerê AKP ameyê şehît kerdiş. Fermanê nê kiştişan Ahmet Davutoglu da. Qetilkerê zê Davutoglu gera bîyero mehkeme kerdiş û hesab bid o. La Davutoglu ser ra zî wirzeno, leq û leq ken o. Vano, "vandalîzm û mandalîzm”.. Şino ça û kotî  zê papaxanî dûbarê keno vano ha "vandalîzm û mandalîzm”....
Kiştişê Kurdan bes nîvîneno, seba ke kiştişê Kurdan rewa bikero, qanunê kiştişî vejên o.
Dehaq çîyo ke, dehaqê newe Davutoglu esto.
La Davutoglu wa vîrnîker o. Seyî Kawayê Asinkar pêşengîyê Şarê Kurd û şarê bindest kerd û hemberê Dehaq vejîya, Şarê Kurd û şarê bîn, bin zulmê Dehaq ra rizgar kerd. Şarê Kurd û şarê bindest yê bînan azad bi.
Ewro zî tornê Kawayê Asinkar bin Rêberîya PKK de vejîyê û têkoşînek quvvettir ramenê.  Ewro pêronê dinya qalê PKK,HPG,YJA-STAR, YPG, YPJ û YBŞ kena.
Her şervanê Kurd zê bizotê adirîy o.
Her şervanê Kurd zê volkan o.
Her şervanê Kurd hem gurzê Rûstemê Zal û Kawayê Asinkar o.
Her şervanê Kurd pêronê nayan wetayîr o.
Her şervanê Kurd adirê gird yê azadî yo.
Pê nê şervanan, her roj arteşê azadî zêde ben o. Her aşm bi hezaran kêna û lajê Kurd beşdarê HPG û YJA-STAR benê.
Ciwanê Kurd hemberê Dehaqê Zalim Davutoglu yê hina qesayîye ke, şîmşîrê înan hina tuj bîya ke, mûyan taşena.
Şîmşîrê bi erzenê ça taşenê û bin ra pernenê. Wa Davutoglu na raştî bivîn o.
Eger nîvîno, aqibetê eyê zî bibo zê Dehaqî.