Delaliya xwezaya Kurdistanê xêz kir

Li zanîngeha navçeya Ranya ya girêdayî Silêmaniyê şêwekar Akam Îbrahîm pêşangehek ji tabloyên wêneyên li ser xwezaya Kurdistanê çêkirî, vekir. Akam Îbrahîm ku derbarê armanca pêşangehê de axivî, got; “Armanca min a vekirina vê pêşangehê nîşandana ciwaniya xwezaya Kurdistanê ye.”
Her wiha Akam Îbrahîm diyar kir ku ev pêşangeha şeşemîn e ku vedike û wiha peyivî: “Ev şeşemîn pêşangeha min a wêneyan e ku ez vedikim. Her wiha ji bo dema pêş jî projeyên min ên berfirehtir hene. Di vê çarçoveyê de ez ê ji bo bîranîna raperîna 1991’ê di salvegera Raperînê de pêşangehekê diyarî Raperînê bikim.”