Şehîd Demhat Egîd û Cemîl Amed ke netîceyê hêrişê wesayîtê bêmerdimîyan de Silêmanî de şehîd bîyî, Kampa Mexmûrî de bi merasîmêk ameyî vîrardene. Merasîm bi beşdarbîyayîşê xeylê kesanê Mexmûrî ame viraştene.
Merasîm de resmê Rayberê Şarê Kurdî Abdullah Ocalanî, beyraqê PKK, KCK, KJK, HPG û YJA-Starî ameyî akerdene. Merasîm de ser nameyê Îdareyê Kampa Şehîd Rustem Cûdîyî Mele Şirînî qisey kerd.
Mele Şirînî her di şehîdan û heme şehîdanê tevgerê azadîye vîr ard û wina va: “Bi desan serrî yo ke dagîrker û emperyalîstî vera Kurd û Tevgerê Azadîya Kurdîstanî de qirkerdiş û dagîrkerîye kenî. Dewleta Tirkî seba ke amancanê xo pê bîyaro, rayberanê ma keno hedef û estena xo ser çinkerdişê Kurdîstanî awan keno. Demhat Egîd û Cemîl Amed zî netîceyê hêrişê hemkar û xayînan de şehîd kewtî. Wa dagîrkerî bizanî ke ê nêresenî xeyalanê xo.”
Merasîm bi silogananê ‘Bicuye Rayber Apo’, ‘Bimiro Îxanet’, ‘Şehîdî Nêmirenî’ û sewbîna peynî bî.
ROJNEWS/MEXMÛR