Roja yewşem, seatanê şan de vera wesayîta hemserokê HDP Selahattîn Demîrtaş, wexto ke, bi xo zî zerre de bi û hetê keyeyê xo şi, sûîkast viraziya. Demîrtaş‘î derheqê sûîkastî de Ajansê Xeberan yê Firat’î ANF rê qisey kerd. Demîrtaş‘î vat, camê peynî yê erebeya meqamî de, ke gule ci ra ranêvêreno, cayê raştê serreyê ci yeno, rêça fîşek tespît bî. Demîrtaş’î ard ziwan ke, înan veng ferq nêkerdo û wexto ke wesayît ra ameyê war, rêçê fîşegi diyo û vat: Erebe berdiyê laboratûwarê krîmînal ê mudurînê polîsan û dendikê fîşegî zî nêvîniyayo.
Erdogan û AKP Demîrtaş hedef damisna.
Verra hewildayena sûîkastî xeylê hetan ra nêrazîbiyenî amey. Wekîlê Koma HDP Îdrîs Balûken’î hêrişa verra Demîrtaş’î rê nêrazîbiyen damisna û aşkere kerd ke, na hêrişî rê AKP bingey rona. Balukên’î aşkere kerd ke, 5 aşmiyo ma zonayişê îxbarê sûîkast dayo dewlet. La cayo ke, nê hewildayenî bîrê manîkerdin, binge yeno ronayin. Erdogan û AKP Demîrtaş hedef damisna.
Sûîkast verra 5 milyon weçîntoxan viraziya
Hemseroka HDP Fîgen Yuksekdag zî hewldayenê sûîkast û qetlîamê sivîlan ra AKP mesul girot. Yuksekdag hewildayehê sûîkast zey leteyê konseptê êrişanê siyasî biname kerd. Û aşkere kerd ke sûîkast şexs dê Demîrtaş’î de verra 5 milyon weçîntoxê ke rey dayî HDP viraziyayo. Yuksekdag aşkere kerd ke, tirkiye de siyaseta dîktatoryal yena ramiten, ciwyanê kesî bin garantî de niyo. Yuksekdag veng da şaranê tirkiye ke raya demokratîkbiyen de, înan het de ca bigîrê.
AMED