Tarîxnas Mehmet Bayrakî zî derheqê muhîmîya partîya HDPyî ser o vindete û bale ante ser pêkerdişo komelkî ser. Bayrakî va ‘weçînayîşê Stenbolî de rolê HDPyî dîyarker bi’ û wina domna: “HDPyo ke stratejîyê rayîrê 3. esas gêno, cayê ci zaf muhîm o. Dost û dişmen her kes bi hawayo baş zano ke qezençkerdişê nê weçînayîşî de saya Kurdan de bi. Seba Kurdan meseleyo esasî demokrasi bi. No tena seba Stenbol nê, qezençkerdişê CHPyî yê xeylê cayan de rolê Kurdan gird bi. Xora her kes qala para Kurdan keno. Kurdan Rojawan û Efrîn de zî seba hêzanê serdestan nê, seba xo şer kerd û Kurdî serkewtî. Kurdî rayîrê raştî de şonî. Coka HDP seba Tirkîya şansêk o.”