Denîz Gezmîş jû koma şoreşgera piya, serra 1969 di şî Filîstin û wija perwerdeyê lejkerîn dî.Denîz Gezmîş û embazê ci badê ageyray, qandê têkoşînê gerîlayin ê sûkan û koyan di, hedreyin kerd.No çarçovey di, Denîz Gezmîş bi Sînan Cemgîl û Huseyîn Înana piya Artêşa Reyayina Şarê Tirkiye ronê. La belê Denîz Gezmîş 16’ê adara 1971 di qezayê Sêwas Sarkişla di, Yusuf Aslan’a piya tepişiya û 24’ê adar di jî Huseyîn Aslan qezayê Qeyserî Pinar di tepişiyay.
Denîz Gezmîş, Yûsûf Aslan û Huseyîn Înan peyniyê mehkemekerdinê formalîteyîn di, cezayê îdamî biriya.Rayverîna tirk, 6’ê gulan di, Denîz, Yusuf û Huseyîn vilêncik kerdî û wast peyniyê hereketê şoreşgerîn biyarê.
La belê Denîz, Yusuf û Huseyîn bî sembolê şoreşgerîn û quwet da hereketanê şoreşgeran.Denîz Gezmîş zey vatena peyin ‘silogana Weşbo birayinê şarê Tirk û Kurd’ ard ziwan.
Meşaleya ki Denîz Gezmîş, Yusuf Aslan û Huseyîn Înan vist ci, Kurdistan û Tirkiye di raya şaran roşnî kena.
NAVENDA XEBERAN