Verra operasyonanê îmha yê dewlet û merdişan sazgehanê alewî xeylê sûkanê Kurdistan û Tirkiye de nûmayişê grevê veyşanî day destcikerdiş. Badê nûmayişê Enqera, Stenbol, Dersim, Edena, Mersîn û Antalya qezaya Elezîz Dep de zî grev dest kerd ci.
Veng bide xoverdayiş
Komeleya Paştdayen û Kiltûr yê Alewiyan ê Dep bi slogana ‘Veng bide xoverdayin, mebe hemkarê qetlîaman’ startê nûmayişan da. Hemserokê qeza yê HDP Zeynel Akbaba’yî nûmayiş de qisey kerd û vist vîrî ke dewlet ebi serrano polîtîkayanê qirkerdin û sirgunî ramena. Akbaya’yî aşkere kerd ke, ê paşt danê nûmayişê alewiyan.
‘Ma dê zilmî rê vajê vinde’
Hemserokê qeza yê DBP Feyzî Akbûlût’î zî vist vîrî ke, wextanê verî de, hewl day ke bi ciyabiyînê sûnnî û alewiyan jûbiyena şaran lete bikerê. Akbûlût’î aşkere kerd ke, ewro ne sûnnî sûnnîyê verrî yê, ne zî alewî alewiyê verî yê. Feyzî Akbûlût’î va, ma dê bibê jû û zilmî rê vajê vinde.
Ewro ra tepiya welatanê Awrûpa de kî verra terora dewleta Tirk nûmayişî destpa kenê. Çelengê sîya ver konsolosxaneyanê Tirk de roniyenê. 19ê Çile de, Mehkemeya Heqê Merdiman yê Awrûpa rê dosya do bîro dayen. Eynî roj, ver Parlamentoyê Awrûpa de, damûstayinê çapemenî dayiyen û mitîng viraziyo. Bi Konseyê Awrûpa pêdiyayinî dê viraziyê. 16-17ê Çile ra tepya, bi rayverîna AABF hetê temsîlkariya Eyaleta NRW yê Almanya grevê veyşanî dê destpa bikerê.
DÎHA/ELEZÎZ