Teşebusê derbe ra dima Unîversîteyê Kocaelî ra xeylê akademîsyenî karî ra ameybî dûrîvistiş. Wendekaranê Tibî yê Unîversîteyê Kocaelî zî seba piştîdayîşêyewbînan yê akademisyenê ke karî ra ameyî dûrîvistiş, Dersê Tibî yê Alternatîfî dayî destpêkerdiş. Dersa sifteyîn ya Prof. Dr. Zelal Ekîncîye bîye. Ekîncîye bi babeta ‘Domanan de awî û elektrolît’ dest bi derse kerde.
Ekîncîya ke demêko derg bî ke ders nêdayêne, zaf bi heyecan bîye û wina va: “Wexto ke ma unîversîteyî ra dûrî bîye, vatişêk ma estbî; ma seba pereyî nê karî nêkenî. Wexto ke wendekarê ma hetê ma de bibî, ma eşkenî her ca de dersa xo bivînî.”
Seba ma kêmanîyeka gird bîye
Wendekaran ra Osman Sonmezî va ‘Ma bi têhetameyîşê mamostaya xo, zaf kêfweş î’ û wina domna: “Ma zaf firsendanê girdan remna. Ez hêvî kena ke do dersî bidomyî.”
Alî Yildizî zî wina va: “Ma do hetê mamostayê ke her şert û mercan de wazenî derse bidî ma de bibî. Ma do heta peynî piştî bidî mamostayanê xo.”
DÎHABER /KOCAELÎ