Demanê peyênan de badê ke Serekkomar Erdogan muxtaranê welatperweran hedef nîşan da, xeylê muxtarî kar ra ameyî girewtene. Verê cû bi îdîaya ‘organîzasyonanê ke hemverê asayîşê neteweyî de xebetîyênê dir têkilîya înan esta’ hetê Wezaretê Karê zereyî ra 103ê ci muxtarê dewe, 156ê ci zî muxtarê taxan pêro pîya 259 muxtarî kar ra ameybî girewtene. Zafê cayanê ke muxtarî gure ra ameybî girewtene dewanê bînan ra qeyûmî ameybî tayînkerdene.
Na çarçewa de muxtarê dewa Ardiçî ya pabesteyê qezaya Pêrtage ya Dêrsimî Îsmaîl Sefer û muxtarê dewa Akdemîrî Paşa Erol kar ra ameyî girewtene. Yeno vatene ke do herinda muxtarê ke gure ra ameyê girewtene, qeyûmî bêrê tayînkerdene.
PÎRHA / DÊRSIM