Dewa Yalinkayaya ke girêdayeyê qezaya Pêrtagî ya Dêrsimî ya de, seba ke keyeyê înan de tesîsatê awe çin a, cinîyî hênîyo ke dewe ra dûrî yo ra awe kirişenî keyeyanê xo. Dewe de 20 keyeyî û pêro pîya 70 kesî cuyenî.
Na dewe de camêrdî yan şonî bajar û qezayanê dormeyan de xebetîyenî, yan zî şonî heywananê dewanê dormeyan ver. Cinîyî zî karê keyeyî kenî û seba ke dewe de awe çin a, cinîyî cayêko dûrî ra awe kirişenî. Babete ser o cinîyî dewe qisey kerdî.
Cinîyan ra Besîme Makala ke 8 heywanê aye estî, wina va: “Dewlete tena qetlîyam virazena. Ma serê sibayî hema dîkî nêwendî, şonî awe. Ma wezîfeyê dewlete xizmet kerdiş nîyo? Her kes xo fikirîyeno. Halê ma cinîyan wina yo, camêrdî orte de çin î.”
Ma nêwazenî awe bikirêşî
Cinîyan ra Besîme Alana ke wayîrê 3 heywanan û bexçeyêk a, va ‘ez bexçeyê xo bi awa ke kirişena awe dana’ û wina domnaye: “Ma wazenî ke wa awe bîyarî dewa ma. Êdî bi antişê awe polê ma derg bîyî. Ma êdî nêwazenî ke awe bikirêşî. Ma cilanê xo zî wina şiwenî. Ma kamcîn seserre de cuyenî?”
DUYGU EROL-ŞÛJIN / DÊRSIM