Bi desan cayanê qedexe ra dima, Dersim de 31 mintiqayê neweyan de qedexe ame îlankerden. Qezaya Dersim Qisle de operasyonê lejkerî destpa kerd. Sûk de 10 kesî zî amey binçim girewtiş.
31 mintiqayê ke mavêna Merkezê Dersim û qezaya Pilûr, Pilumurîye, Xozat û Qislê de yê, hetê walîyê sûk şîyayîş û ameyîşî rê amey qedexekerden. Qedexeyo ke 16'ê Gulane 2017î de destpa kerd, do heta 30’ê Gulane dewam bikero.
Cayê ke qedexe ronîya, wina yê: Balî, Çemê Kurutlu, Gozlek-Sepertek, Çemê Kutu, Ahpanos-Salderesi, Çemê Laçê, Erowlu, Çiyayê Mercan, Çemê Kiran, Girê Kinikan, Golanyaylasi, Taxa Egercî, Dulbektaşi, Çiyayê Karaoglan, Yarpuzlu, Alisirti, Zozanê Dalav, Zozane Karagol, Zozanê Kurugolê, Zozanê Bastir, Zozanê Kurt, Zozanê Çeşme, Zozanê Yel, Ganikastik, Zozanê Çigirli, Karadere, Tavuklu, Dogantaş Dokuzkaya, Zozanê Yoncalik , Sarigul û Daristanê Kinzirê
Qisle de operasyon
No mabên de, qezaya Dersim Qisle de operasyonê lejkerî destpa kerd. Helîkopteranê Kobra zî mintiqa gulevornayen kerd. Goreyê zonayîşan, pirodayîşanê mavêna gerîla û lejkeran de 1 lejker bi dirbetin. Mavêna lejker û gerîlayanê HPG de pirodayîşî vejyay. Netîceyê pirodayîşan de 1 lejker bi dirbetin û wedarîya Nêweşxaneyê Dewlet yê Dersim. Helîkopteranê Kobra zî asmen ra desteg da operasyonî û mintiqa gulevornayen kerd.
10 kesî girotîyay binçiman
Vizêr polîsan Dersim de eştî keyeyan ser û 10 kesî girotî bin çiman. Sereştişê ke Pilûr û Mêzgir de virazîyay, Hemşaredara Pêrî Fadîme Çetînkaya ra pîya, 10 kesî girotîyay bin çiman. Zewbîn, Taylan Korkmaz, Denîz Ataş, Duygu Dînler, Musa Eroglu, Alî Ekber Kuçuk, Alî Ekber Gungor, Ulaş Oz, Ugur Bîter û kesêko bîn ke nameyê ci nêame zanayen, girotîyay bin çiman û berdîyay merkezê Dersim.
DÎHABER/DERSIM