Hemserokîn da zonayen ke Qirkerdisê Dersim eve plan virajîya û aşkere kerd ke Dersim seserrî bê dewlet eve zonê xo, kamî, îtiqat û kulturê xo xoser cuwuya. Damûstayîn de vajîya ke kurdê alewî ke bi rihê azad Dersim de cuwyayî û serdestî nêsilasnay sembolê ruhê azad yê Kurdistan o û hayr ancîya kerdenanê dewlet ser: “Nayî ra Dersim bi hedefê dewlet-netewa ke eve Komar ra pîya ronîya. Dewlet-netewa faşîst ke Dersim zey taloke dî qirkerdisê ci plan kerd. Dewleta ke ser Dersim de tirkperestî ferz kerd destci herekatê îşgalî kerd. Bi qirkerdişa spî waşt ke kurdatîya Dersim û erjê ci yê îtiqatî werte ra wedarno.
Pey rihê Besê û Sey Riza’yan de
KCK aşkere kerd ke dûştê qirdkerdisan Dersim her firsetî de rihê xo yê azad damûsna û hina va: “Bi rihê azad yê Dr. Şîvan, Huseyîn Cevahîr, Mazlum Dogan, Sakîne Cansiz, Suleyman Cîhan û Cafer Camgoz’an vera qirkerdişê îsyan destci kerd. Cenî, genc, kal û pîrê Dersim endî pey rihê azad yê Besê û Seyît Riza yê ke dûştê qirkerdoxan de milê xo çewt nîkerdî de ray şinê. Belkû Dersîm zaf dejê girdî dî, la ewro Dersim hewl dano ke bireso weşîya xoser û serbest. KCK hayr ant 7. Konferansê Dersim ser zî û da zonayen ke, Dersim de viraştişê konferansî zaf erja û muhîm o. Hemserokîn aşkere kerd ke, eke her welatijê Dersimij bi rihê azad yê Sey Riza’yî hereket bikero, serva xoserîya Dersim tekoşîn bido, beno Dersimijê heqîqî û va, endî ti quwetê qirkerdox nêşkenê Dersim de weşîya azad û demokratîk manî bikerê.
Sozê Kurdistan’a azad
KCK tewrbîyayisê malbatê kesê ke xoverdayişê Cizîr de weşîya xo kerdî vindî yê konferansî çiyekê manedar dî û aşkere kerd ke tekoşîna azadîya Dersim û Cizîr, tekoşîna azadîya pêrokîn Kurdistan’î ya. KCK da zonayen ke qetlîama ke Cizîr de qewimya zî bi meqsedê qirkerdiş virazîya û qiseyê konferansî dûştê polîtîkayanê qirkerdox yê dewleta Tirk de zey sozê Kurdistan’a azad û demokratîk hesibna.”
ANF/BEHDÎNAN