Goreyê îdiayan nê pirodayişê ke heremê Xozad Çad de qewimiyayî de gerîlayê DHKP-C Çayan Gun bi nameyê kod Haydar’î weşiya xo kerdo vinî. Gerîlayo ke weşiya xo kerd vinî hewadiya Nêweşxaneyê Dewlet yê Dersim. Badê otopsiya verên cenazeyê gerîla ruşiya Sazgehê Tipa Edlî yê Meletî. Herzewbîn gerîlayê DHKP-C Selçûk Ûçan zî eynî pirodayişî de giran dirbetin biyo. Ûçan hewadiya Nêweşxaneyê Dewlet yê Xarpêt.
Gimgim de înfaz
Heto bîn ra qezaya Mûş Gimgim de zî pirodayişî qewimiyayî. Dewa Gimgim Badan de zî quwetê dewlet vejyay operasyon û pirodayişî vejyay. Goreyê îdiayan nê pirodayişan de zî 4 gerîlayanê HPG weşiya xo kerdê vinî, 1ê ci zî giran dirbetin biyo. Goreyê vatenanê çimeyanê heremî şewa verên çormeyê çemê dewa Badan de pirodayişî vejyayî û heta vizêr sodir dewam kerdî. 2 gerîlayî nê pirodayişan de, 2 gerîlayî zî zereyê dew de bi ganî ameyê tepiştiş û înfaz biyê. Cenazeyê 4 gerîlayan hewadiyayê Nêweşxaneyê Mûş yê Dewlet. Gerîlayo dirbetin zî berdiniyo Fermandarîna Mûş.
DÎHA/DERSIM/MÛŞ