Hemşaredara Dersim Nûrhayat Altûn ke eşkerakerdişê wertex yê şaredarîyan wend aşkere kerd ke waziyeno ke demokrasîya mehlî pêro pîya werte ra wedarî. Altûn hayr ant hewldayenê derbeya 15ê Temmuze ser û va, AKP hewldanê derbe verra cenî, genc û îrade şarî çarna hêrîşan. Altûn verra zîhnîyeta ke îradeyê şarî nasnêkeno vengê xoverdayişî da. Altûn şarî ra waşt ke qezencanê xo rê wayir bivejîyo û xoverdayişî her ca de berz bikero.
Domananê xo merûsnê mektevan
Heto bîn ra sûk de emegdarî verra êrişanê AKP yê dûştê cepheyê emegî meydanan de yê. Sûk de 418 mûalîmî, 504 emegdarê perwerdeyî karî ra erzîyay dûrî. Emegdarî 5 rozîyo taxa Şihank de Parka Haştî de çalakî de rê û verra derbeya Seray nêrazîbîyenê xo bi nûmayişa roniştenî damûsnenê. Hunermend Mîkaîl Aslan demê çalakî de qeseykerd aşkere kerd ke bi herbî wazenê civakî pasîfîze bikerê. Aslanî va ganî ma qûwetin bivîme ke vernîya nînan de vinderême. Aslanî aşkere kerd ke na seate ra tepîya sîstemê perwerde yê înan qebûl mekerîme.
DERSIM