Azad vat ke o hêrişê çeteyê DAIŞî ser televîzyonê temaşe kerdo, taybetî wehşetê çeteyê DAIŞî vînayiş ra pey, fikrîyayo ke seba şarê xo çik bikero û wina vat: “Peynî zî min fikrê xo pîyê xo ra bar kerd û min, pîyê xo ra vat ke; ez wazena şîra refê YPG/YPJî de verba çeteyan têkoşîn bida la pîyê min, min ra vat; hîna emrê to hutelek o. Ti eşkenî di noca de beşdarê kampanyaya hetkarî ra beşdar bibî. Peynî zî ez, pîyê xo dir di Weste de destpê kampanyaye hetkarî kerd.”
Hetkarîya Almanan
Azad aşkera kerd ke taybetî ê waştê şarê alman ra hetkarî bigêrê û wina domna: “Çarçiweya kampanyaye ez rayedarê dibistanê xo, pîyê min serekê Şaredarîya Weste de pêvînayiş viraşt û ma înan ra hetkarî waştî. Serekê Şaredarîya Weste ma ra seba komkerdişê hetkarî cayeke da, dibistane min zî, min ra seba komkerdişê pere û kelmelî ser heq da, hetta min ra wesayît daxî da dibistan. Embazê min kampanyaye ra elaqayeke gird mojnay. Taybetî almanan kampanyaye ra elaqaye mojna la belê embazê tirk û kurd kampanyaye ra elaqaye nêmojnayî. Ma heme hetkarîyî bi îtînayê paket kerd û peynî zî teslîmî komeleya Êzidîye kerd.”
Azad ciresna ke ey bi hêrişê çeteyê DAIŞî ser xobixo şinasnayo, çimkî verê nê hêrişan ey xo zey yew alman vînayo la nika heme fikrîyê ey bedilyayo û ey xobixo zey kurd vîneno û nika bi îmkanê xo kurdî bander beno. Azad vengê akranê xo kerd û vat ke bi têkoşîna ciwanan do qedexeya PKK bêro hewanayiş, heme dinya kurdan weş vînenî û no ser zî ganîyo ke ciwanan karekê weş bikerî û aver berî.
WEST