Qereyazi ra hetê Cizîr
Derya Koç serra 1991 de Qereyaziya Erziromî de amê dinya û mektebê sifteyîn Qereyazi de wend, rîwalê tay probleman bi malbatê xo reyde koçê Mîlasî kerd. Derya semedê ke malbatê aye welatperwer bî, emrê şenikî de têkoşînî şinasnena û serra 2008’î de dekewna rayberîya BDP û 2011î de bena hemseroka BDP. Serra 2014 de zî HDP reyde zî rayna wezîfeyê hemserekî kena û xebatekê gird aver bena. Xeyalê Derya yê tewr gird agêrayîşê Kurdistan û dewa xo yo û nê xeyalê xo zî bi paştîdayîşê xo yê seba Cizîrî ana ca. Babet ser o pîyê aye Kamîl Koç û dayîka aye Fîruze Koç qalî kerdî. Pî Kamîl Koç ciresna ke xeyalê Derya yê tewr gird agêrayîşê Kurdistan bî û wina verdewam kerd: “Kênaya mi tewr zaf waşt ke dew de weşî bikero, hêgayê xo biramno. Aye domana ma ya peynî bî. Ma heme bi heskerdişêkî cîya aye ra girêdayî bî.
Her tim verniyê tekoşîn de bî
Derya her tim tewr vernîya têkoşînî de cayê xo girewtênê. Her tim mîyanê şarî de bî. Heta nika ti kesî nerindiya Derya nêdî û Derya şarê xo ra zaf hes kerd. Zilmê ke şarî ra ameynê kerdiş ser o zaf tesîr bî û qebûl nêkerdênê”.
Dayîk Fîruze Koç zî ard ziwan ke merdim nêşkeno ke bi vatişan Derya bîyaro ziwan û wina vat: “Derya embazanê xo ra zaf hes kerd û her tim hetê rindî û raştî de ca girewt. Heta nika qet hetê xirabî û şaşî de nêvindert. Derya seba şer nê, seba aştî şî Cizîr û seba şarê kurd canê xo feda kerd. Derya xîyanetê ti kesî nêkerd û seba embazanê xo bodrimî de mend. Kênaya min bi veşnayîş qetil kerdî“. Fîruze Koç va, “wa her kes bizano ke ma dê heta delpa gonîya xo ya peynî fek dawa xo ra veranêdî”.
DÎHA/MUGLA