Zana û rojnamegerê kurd Musa Anter nika 23 serre verê hetê JÎTEMî ra ameybî qetilkerdiş, qetilkarê ci nêvejyay werte. Yeno zanayîş ke doza ke Dadgeha Ceza ya Giran ya 1’in a Amedî ameybî vînayîş de pawitoxê qetilkaran bi mehneya “asayîş”î waştbîy ke, doz wa yewna cayî ra bêro kiriştiş û no sero doz kirişîyaybî Enqere. Tewr peynî de na doz, doza JÎTEMî reyde ame yewkerdiş.
Babete ser lajê Musa Anterî, Dicle Anter ard ziwan ke heta nika semeda ke qetilkarê pîyê ci vecyîy werte tekoşîn dayo û wina vat: “Na dozî de heta nika ti gamêy şênber nîyameyî eştiş. Ger ke na doz roşin bibo do heme dozyê JITEMî roşin benîy. Pîyê min bi qerarek JITEMî ame kiştiş. Raporêy Serektîya Komîsyona Teftîşî ya Serekwezîrtî ya ke 1997’î de: ‘Kiştişê Musa Anterî şaşîyek o. O tena hetê felsefîk ya no karî reyde mijûl beno.’ yeno vatiş. No vaten semeda çi hetê dadgehî ra qetilkaran ra nîno perskerdiş.”
Şarî qetil kenî
Anter ard ziwan ke doza qetilkerdişê Musa Anterî dozya ke sivik nîya û dewlet semeda ke doza Musa Anterî ra tersena qetilkaran bi awayo heqî dadgeh nêkena. Anter dergeyîya vatişê xo de vat ke: “Kenan Evren û Suleyman Demîrel verpersîyarê dewletî ya aye wextî merdîy la Mehmet Agar hîna nêmerdo. Ma do payîvê merdişê ci bî? Nê, kesîy ke dekewtî gonîya şarî yî. Çeteyêy merdişî ke awan kerdîy zî dîyar o.”
Anter vat ke Hamît Yildirim ra dima nêtewqîfkerde muhakemekerdişê Savaş Gevrekçî qerarek balkêş o, kesêy seyî Orhan Taşanlar, Mehmet Eymur, Alî Ozansoy, Cengîz Ersever û Cahît Aydin ê ke aye wext JÎTEMî reyde têkîlîyê înan estbîy, eyro bi Yeşîl ê ke bi bultena sûrî reyde bide yeno gêrayîş dîyalogê înan est o.
Qetlîyam domyenî
Anter ard ziwan ke Gevrekçî zî nê grubî ra yo û raştîya vatişê hincetekî yê ke vano; “Ez înan nêsiraşnena” çin û wina vat: “Nameyêke doz de vîyarênî xebatkarê JÎTEMî yî. Vilaweke serdema ke înfazî kerdîy ra têkîldar bordroyê meeşî zî estîy. Gevrekçî kesê ke qoricîtî keno yo.”
Tewr peynî zî Anter ard ziwan ke Kurdistan de ê ke qetlîyam kenîy yenîy pawitiş û wina vat: “Dewleta tirk zaf roşinkaran qetil kerd û nînan ra yew zî nîyame roşinkerdiş. Bi bedilnayîşê nameyan hîna qetlîyamîy domyenîy.”