Damûstayîna protestokerdişê hewldayenê wedarnayişê destnêdayişê parlamenteranê HDP Kuçeyê Sanat de dayîya. Xêlê temsîlkarê partî û sazgehan tewrê protesto bî. Damustayîn de panqarta “Serva Emeg, têdûştî, serbestî, haştî û edalet dest mede îradeyê mi” abiya.
Axûyê herbî danê şimiten
Hemserokê HDP yê Dersim Arslan Çag damustayîn da û aşkere kerd ke AKP hiqûq û makeqanûn serva menfeatanê xo yê sîyasî şixulnena. Çag’î hayr ant vatenê Erdogan’î yê ‘Serva haştî û çarekerdiş axûyê baldiran şimena’ ser û da zonayen ke, Erdogan û AKP ke axûyê baldiran’î nêşimitî nika zî wazenê axûyê herbî civakî rê bidê şimiten.
Arslan Çag da zonayen ke bi wedarnayişê heqê destnêdayişê parlamenteranê HDP îxtidar pêrokîn qomî rê zext kena, tehdît kena û terorê hikûmet ferz kena. Bi fiîlî bê fonksîyonkerdişê partîya ma, seweta dengeyê welatî merhaleyê tewr krîtîk yê pêvacoyî yo. Damustayîn bi qîrkerdişê sloganê “Bi xoverdayiş serkewnime” qedîya. Xêlê cayan de babed raştê reaksîyonê weçîntoxan yena.
DÎHA/DERSIM