Hereketê Cinîyanê Demokratîk ê Dersim, seba destegdayîşê Çagla Kose ke Parqa Maçka yê Stenbolî de raştê hêrîşê fekî yê wezîfedarê pawitişî amê, Meydanê Seyîd Riza de îzahatêk da.
Çalakîya ke pankarta “Dest medê şort û leçega ma” abîya de sloganê zey “Cinî Ciwîyayîş, Serbestî” amey eştiş. Endama Hereketê Cinîyanê Demokratîk ê Dersim Gîzem Yamaç îzahat da û vist vîrî ke nezdîbîyayîşê wezîfedarê pawitişî vera cinîyan şiklê newî yê şîdetî yê dewlete yo.
‘Ma provayê musnayenê şerîatî protesto kenê’
Yamaçî hayr ant mudaxaleyanê weşîya cinîyan yê rejîmê şerîat yê cayanê zey Îran, Erebîstana Siûdî ke serdestîya DAIŞî esta ser û vist vîrî ke bi taktîkanê “Pirode bireme” ê ferqê hesretê rejîmê şerîatî yê îqtîdarî de yê. Yamaç aşkere kerd ke nameyê sîstemo ke hurendîya cinîyan de camêrdî qerar danê ke cinî çi xo kerê şerîat o. Yamaç va zey cinî ma ma zîhnîyetê teberê mordemî û provayê musnayenê şerîatî protesto kenê.
Gîzem Yamaç vist vîrî ke têkoşînê înan o seba têdûştîya cinî û camêrdan do biramo û va, ma veng danê dewlet, îqtîdar û zîhnîyetê camêrdê serdest; Beno ke şerîat xeyalê şima bo, la bi camêrdî ra têdûşt û azadbîyayîş; bengîn ê ma yê cinîyan o.
DERSIM