Kî yenozanayiş uta de yew metno mutabik deklere hetkaran û raya pêro bi. Şurekaya hukûmat ge vat, yew pêameyo înaneyî çîno. Ge vat yew komxebata muşterek a çapemenî tu wext aşkera nêbena, wa kes çîyo ana xeyal mekero. Tena vatenê, bê şert û şurt tevgera azad çekvera bido. Wa heto kurd çekveradayişî xo leze beyan bikêro. Bera se bi? Seba ke meseleya kurd Rojhelatê Mîyanên de mesela serekeya. Kurd zî serekefte yê. Kurd bi îtîfak xover dano. Na gunîşerîya Rojhelatê Mîyanên de kurd bîyî omîde şaran, meseleyê kurd zî bîya meseleya ya sereke cîhanê. O sebeb ra dades dewletê cîhanê qande selametîya şar, meylî xo da gerila û pêşmerge. Ne sebeban ra, na şureka zî neçar mend amî raye.
Hereketa azad xo da ferzkerdiş. Ayera na roj roja mihim û tarîxî bî. Serektîya Ocalan tescîl bî. Paradîgma Ocalan amî zexmkirin. Şarê Kurdistan û Tirkîya zî no davetî Ocalan seke “destpêkî yew omido newe” namê kerd, bi coş wayer vejîya. Rayiro newe munaqaşa bi/beno. Qande demokratîk Tirkîya paradigmaya Ocalan moderneteya demokratîk yena nirxnayiş. Axir na komxebat newe yew destpêk bi.
Çira destpêk? Çimkî dora yewîna sîyasî hereketa kurd yew cayo fermî de, ofîsa serekwezîr Dolmabahçe de metnî Ocalan seke “destpêkî yew omido newe” deklere raya pêro kerd. Uta de seserra neweşîya kronîk paradîgmaya netew dewlet rişîya. Ferzkerdişî tekperestî rişîya.Tirkîya verbi raştîya xo têveriy bi. Eke no deklerasyon de her çend dîrek nameyê kurd no metn de bica nêbîyo se, mesaj aşkera yê.Yenowaştiş her kes seypê bibo, û azade bo. Bi na deklerasyon fikre Ocalan bi temînati netewan û kemnetewan. Netîce de hetkaran têder dora yewîn na agehîyeka muşterek da raya pêro,çareserîya meseleyê kurd de yew plansazî virazîya. Bera, sîyasî hereketa kurd bi serrana gayret kena, hem neteweyî hem zî mîyannetewe de muhatab bêro qebulkerdiş, na komxebata çapemenî de serî xo girewt. Hem mesulîyetîya xo ard bica, hem zî hukûmat hîşarîna. Mesulîyetî ey ard vîr. Netîce de meseleyê kurd deklerê raya cîhanê bî, seba ke êdî alenî bo. Mesela ona qayît bî.
Na komxebata çapemenî ya muşterek de tîr êdî kewan ra vejîya. Ayera merhaleyo newe omid dano. Ayera şar no komxebata çapemenî “destpêkî yew omido newe” name kerd. Tarîxî Komara Tirkîya de dora yewîna no metn, no mutabikbîyayiş de aşkera aşkera nêheqî ya, şaşîya xo îtîraf kerd. Dora verêna benate temsîlkaranê sîyasî hereketa kurd û hukûmata Tirkîya de nexşa rayirî pêvajoya çareserî îna net proje, yew irade beyani virazîya. Dora yewîna hukûmat yew sîyaseto demokratîk esas girewt, an zî xo tewir lanse kerd. Tabî sîyasî hereketa kurd bi îhtîyat nezdî beno.Îtîbar nêdanî. La raya pêro de yew rehetî virazîya. Do bibo mayîn de, bibo sedemî yew welato demokratîk. Omid zî çîyeko baş o. Xeyrîn bo.
Mistefa ŞAHÎN