Serekê Federasyonê Yewîyeya Elewî yê Avusturyayî (AABF) Ozgur Turak gerrayê Sazîya Elewî ya Îslamî (IAGO) ser o aşkerayêk da. Turak aşkera kerd ke IAGO, selahîyetê ke dewlete daya înan, sey zopa vera AABFî de şuxilnena, ganîya ke rayedarê Avusturyayî ganî destûr medê ke îslamo siyasal aver şîro û wina vat: “AABF serra 1989î ra nika 15 mintiqayê Avusturyayî de xo rêxistin kerdo û konê komelê elewîyan o. Zîhnîyetê îslamê sîyasalî wazeno Tirkîya de elewîyan binê Dîyanetî de bihelino. Ma sey AABF elewîyeyî binê îslamîyetî de xo nêvînenê, goreyê ma elewîyî bawerîyêka bi xo ser a. IAGO qewetê xo qanûnê îslamî ra gêno û no ser zî temsîlkarê elewîyan yanî sazîya ma ra hêriş keno. Ma di ray gerra kerdê, vera nê di gêrrayê zî ma bi azadîya wijdanî di dozê zî qezenc kerd.” IAGO, projeyê îslamê sîyasalî yo Turak aşkera kerd ke Sazîya Bawerîya Elewî ya Îslamî (IAGO), projeye îslamê sîyasalî ya, na sazî tewro peynî Sazîya Bawerîyê Avusturyayî ra ma gerra kerd, çimkî ma waşt Yewîyeya Cenîyê Elewî ya Vîyanayî nasnameyê ci wa fermî bibo, no ser zî ma ser piro Masaya Komelan kerd. Encax sîstemê Îslamê Sîyasalî de vera têkoşînê cenîye astengî estê. Ma rayedarê Avusturya ra veng danê ke wa nêbî silgirê IAGOyî.” MERKEZÊ XEBERAN